Regreso agardado ó arquipélago de Yaeyama neste periplo por Okinawa onde se desenvolve a XII Liga de Primaveira de eltiempoentuojete. Ainda que xa nos atopamos de cheo na tempada de tifóns semella que chovía máis na pretempada que a día de hoxe. O destino desta semana é Iriomotejima e tampouco se agardan escabechinas ainda que un retraso nun dos ocupantes do Top-10 vai facer que a 5ª praza esté en loita. Vexamos quén pode aproveitar a circunstancia.

As apostas en temperatura máxima están bastante abertas, indo dende os 26 ata os 32º C. Os valores para as mínimas oscilan entre 23 e os 27º C., A precipitación é un parámetro incerto con valores apostados entre 0 e 8 litros. Mentras. os refachos de vento van dende os 38 ata os 66 km/h., sendo un parámetro moito máis aberto.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

Seguimento da xornada

Ainda que o enlace programóuse en inglés, a web de JMA recíbenos en xaponés. Pódese traducir diretamente co traductor de Google, o que da o aceso á táboa de temperaturas e vento, e tedes que dirixirvos a “Graph” para coñecer a cantidade de chuvia recollida (aconsello o intervalo de 1 hora). Dicir tamén que non traballa a gráfica en tódolos dispositivos, polo que imos dar un itinerario para poder velo nun PC, que adoita ir mellor.

O ingresar polo enlace na web de JMA, en xaponés, seguide estes pasos:

1- Picade no logo da axencia, na parte superior esquerda da pantalla.

2- Pica en “ENGLISH” no centro superior.

3- Pica no círculo que pon “Weather” no menú central da páxina.

4- Fai scroll ata a táboa “Observation table“. Pica baixo a táboa, á dereita en “Extra detail“.

5- Aparece un mapa cun botón onde pon “Table“.

6- No menú superior pica en “Select prefecture” e marca, para esta etapa, “Yaeyama” na prefectura de Okinawa.

7- Na táboa seguinte escolle a etapa desta semana, nesta ocasión, “Iriomotejima“. Eiquí móstranse os datos de temperatura e vento. Para acadar os de chuvia, pica en “Graph” e escolle “Precipitation (10 min. ou 1 hour)” e suma os datos que se amosan. Os datos dezminutais adotan ser tamén máis precisos.

Os datos de precipitación son inamovibles, pero os de temperatura e refacho son medias horarias, polo que poden ser susceptibles de troco no final do día, onde se ofrece unha táboa diarias cos resultados finais destes 2 parámetros. Por conseguinte, a temperatura máxima pode ser superior e a mínima, inferior. Do mesmo xeito, o refacho será un número definitivo superior ó amosado na media.

As apostas:

Sorte e clima!!

A etapa de Nakasuji, a 6ª da xeira en Okinawa, semellaba de transición vendo os resultados globais dos participantes, con 4 gañadores moi preto do pleno e puntuacións de altísimo nivel entre os compoñentes de eltiempoentuojete. Pero indo máis polo miúdo observamos pequenos trocos importantes na xeral que poden ser de gran valor cara o final da competición. Ainda que a chuvia torrencial inesperada pode mudalo todo nun só domingo.

A temperatura mínima acadóuse na madrugada e foi moi alta, con 73º C. A máxima chegou ata os 31º, xa pasado o vermú. A presenza da chuvia era de probabilidade impredecible e o final foron 0 litros ata o final do día. O vento marcou un refacho máximo de 31 km/h., na media do que apostaba a maioría da xeral.

Destas contas sacamos a 4 vencedores, que tamén poderíamos chamar acosadores da lideresa Magor. Total de 59 puntos, con Kaltxon e Beocha perdendo un punto nas temperaturas e Verducido e Enrico Ferni deixándoo no refacho. Moita calidade nesta xornada e estes 4 competidores son a punta de lanza. Beocha segue no 2º posto seguido de preto por Kaltxon e Verducido nesta orde. Reducen bastante a anterior renda abismal co liderato e fan tremer as pernas de Magor. Enrico Ferni únese á festa e dende o 8º posto ameaza con dar unha puñalada trapeira nas 4 xornadas que restan.

Lume e Botikas sumaron 58 puntos e manteñen o Top-10 da xeral, sen perder comba co grupo dianteiro. Ainda que os 10 mellores non perdoaron nesta etapa non sendo Víbora e Landrán.

Rasta e Breogán77, involucrados na loita polo título, acadaron 57 puntos e apuntan alto dende o 5º e 6º lugar respectivamente. Sempre se lles ve moi activos nos límites estivais.

Estas foron as 8 mellores puntuacións nesta xornada desputada en Nakasuji. Para acadar tódolos datos recollidos na 6ª etapa da XII Liga de Primaveira pica na ligazón baixo este texto.

Preto do remate e moito por loitar!!

Nakasuji fai a 6ª etapa desta Liga de Primaveira en 2026. Primeira da segunda parte desta Liga onde xa podemos ver diferenzas sinalables. E non semella que iso vaia cambiar moito este domingo, pois as previsións son de seca, con temperaturas altas e ventos medios. Iso mesmo predican as apostas, con diferenzas pouco reseñables entre os competidores.

As apostas en temperatura máxima están bastante abertas, indo dende os 25 ata os 32º C. Os valores para as mínimas oscilan entre 25 e os 27º C., estas con 3 apostas curiosas en comparanza, con 18 e 19º C.. A precipitación é un parámetro con maioría de seca, máis tres valentes con valores apostados entre 1 e 2 litros. Mentras. os refachos de vento van dende os 25 ata os 46 km/h., sendo un parámetro moito máis aberto e cunha aposta tamén curiosa de 6 km/h. Semella que alguén colleu o autobús errado.

Semella compricado predicir vencedores con estas mínimas diferenzas en case tódolos parámetros e haberá que agardar ata o derradeiro minuto da xornada, cara as 20:30 horas do domingo. Non deixes de seguir a xornada ao vivo dende este enlace a partires das 20:30 da tarde do sábado, o levar JMA 6 horas (aprox.) de adianto no aporte de datos con respecto ó noso horario.

Seguimento da xornada

Ainda que o enlace programóuse en inglés, a web de JMA recíbenos en xaponés. Pódese traducir diretamente co traductor de Google, o que da o aceso á táboa de temperaturas e vento, e tedes que dirixirvos a “Graph” para coñecer a cantidade de chuvia recollida (aconsello o intervalo de 1 hora). Dicir tamén que non traballa a gráfica en tódolos dispositivos, polo que imos dar un itinerario para poder velo nun PC, que adoita ir mellor.

O ingresar polo enlace na web de JMA, en xaponés, seguide estes pasos:

1- Picade no logo da axencia, na parte superior esquerda da pantalla.

2- Pica en “ENGLISH” no centro superior.

3- Pica no círculo que pon “Weather” no menú central da páxina.

4- Fai scroll ata a táboa “Observation table“. Pica baixo a táboa, á dereita en “Extra detail“.

5- Aparece un mapa cun botón onde pon “Table“.

6- No menú superior pica en “Select prefecture” e marca, para esta etapa, “Miyakojima” na prefectura de Okinawa.

7- Na táboa seguinte escolle a etapa desta semana, nesta ocasión, “Nakasuji“. Eiquí móstranse os datos de temperatura e vento. Para acadar os de chuvia, pica en “Graph” e escolle “Precipitation (10 min. ou 1 hour)” e suma os datos que se amosan. Os datos dezminutais adotan ser tamén máis precisos.

Os datos de precipitación son inamovibles, pero os de temperatura e refacho son medias horarias, polo que poden ser susceptibles de troco no final do día, onde se ofrece unha táboa diarias cos resultados finais destes 2 parámetros. Por conseguinte, a temperatura máxima pode ser superior e a mínima, inferior. Do mesmo xeito, o refacho será un número definitivo superior ó amosado na media.

As apostas:

Sorte e clima!!