Chegamos ata a 3ª rolda de competición da Ojete’s Cup, penúltima de competición nesta novena tempada de eltiempoentuojete. Polo lado d@s imbatid@s desputarase a semifinal cara o título e as posicións do 5º ao 8º posto. No lado d@s perdedores na 1ª rolda desputaranse as semifinais cara a final B e será a penúltima oportunidade para acadar unha vitoria no torneo. Recorda que somentes 1 participante acadará o pleno de vitorias e, da mesma maneira, só 1 participante perderá os seus 4 enfrontamentos. Mellor non deixalo para o final…

Ata este cadro de terceira rolda chegaron invictos os 3 cacheiras de serie, Landrán, Verducido e Popolo, o podio do Torneo de Vran. Nestas semifinais metéuse caladiño o número 13, Xowi, tentando dar a sorpresa ós compañeiros de rolda. Eliminou os rankeados no 4º e 5º posto e agora vai polo número 1. Polo lado B do cadro, Botikas e Lume desputan un dos enfrontamentos máis interesantes, mentras Kaltxon e Marius son dos novos “galos” con aspiracións dentro do galiñeiro de eltiempoentuojete. De todos estos detalles e moitos máis damos conta con datos dos enfrontamentos de 3ª rolda.

Enfrontamentos

Poucos datos temos de Landrán neste torneo, pero semella que o xogador máis en forma en India váise atopar cun dos xogadores con máis bagaxe na Ojete’s Cup. Xowi xa ten unha medalla de prata e busca o trofeo, mentras Landrán ven cos folgos de gañar no Torneo de Vran e acadar a máxima puntuación nas 2 primeiras roldas. Resultado incerto con cadencia cara ó cacheira número 1.

Atópanse na segunda semifinal Verducido e Popolo, posiblemente un dos mellores nesta competición contra un dos que peores datos ofrece. Somentes 3 vitorias para Popolo, pero 2 delas nesta edición. Verducido buscará o seu 4º título mentras Popolo tentará facer a “machada” no final de tempada.

Punteiro e Mina desputan para acadar o 5º posto da clasificación. Máis experiencia pola parte de Mina, que xa firmou un bronce neste torneo. Punteiro tentará gañar por vez primeira nunha 3ª rolda da Ojete’s Cup. Tendo en conta os datos, a estadística sinala a Mina coma favorita.

A primeira experiencia de Modesto na Ojete’s Cup está a ser agridoce. Pero pode mellorar se accede á loita polo 5º posto. Beocha busca o mesmo, pero coa presión de ser das mellores competidoras na Ojete’s Cup. Resultado incerto ainda que pesa a experiencia.

Tamén pesa a experiencia pesa máis na semifinal B entre Botikas e Lume. Tamén as vitorias e estadísticas están do lado de Botikas, que xa ten un título na vitrina. Lume loita contra Botikas e as estadísticas, pero xogando na India semella que pode pasar calqueira cousa. Esa é a esperanza para Lume.

A segunda semifinal cara a final B enfronta a Kaltxon con Marius. Con poucas participacións teñen unhas estadísticas moi similares, polo que predicir un resultado non semella doado. Un dos enfrontamentos máis parellos nesta 3ª rolda.

Tamén moi similares as estadísticas da confrontación entre Sarabia e Compoñente Sur. Moito mellor a efectividade en auga de Sarabia, pero Compoñente Sur xa acadou podio nesta competición. Con 2 derrotas, buscarán non ter que chegar á derradeira xornada para estrearse nas vitorias.

Moita máis experiencia para Michi na sua batalla persoal con Bar Pequeno. Somentes 1 vitoria para Bar Pequeno, que tentará cebar o seu casilleiro, Ademáis, ten o acerto no seu favor, ainda con menor participación. Michi semella atrancado neste lado do cadro, onde acada os mellores resultados cando perde na primeira rolda.

Saúde e clima!!!

Desculpas polo retraso

Desputóse a 2ª rolda de competición na Ojete’s Cup 2022, na estación de Gonikoppal, no distrito de Kodagu, dentro da provincia de Karnataka. A chuvia foi noticia pola sua falta, o que fixo que os enfrontamentos foran moi parellos.

A temperatura máxima foi baixa respecto ás apostas marcando 26º C. Tamén a mínima foi baixa, acadando os 17º C. A chuvia estivo ausente e o refacho tamén quedou por baixo da media de predicción, sinalando un refacho máximo de 22 km/h no final do día.

A vitoria foi compartida por Landrán e Kaltxon, con 57 puntos. Landrán segue nunha liña imbatible e ademáis dobrou turno ó acadar a vitoria tamén na etapa sísmica. Noraboa a Kaltxón e dobre noraboa para Landrán.

Landrán batiu a Punteiro pola única diferenza do vento, no que Landrán sumou o máximo de puntos ó mallalo con autoridade. Segue a ser o rival a batir, cada vez con máis solvencia. Punteiro perde cunha gran actuación, 56 puntos e buscará o 4º posto no cadro de perdedores.

Mina e Xowi tiveron que chegar ata o desempate, no que o refacho de vento de Xowi foi mellor que o de Mina.

O enfrontamento entre Verducido e Beocha reducíuse a unha batalla pola auga. Beocha agardaba por un litro que non chegou e fixo avanzar a Verducido.

A auga xunto co vento foron os factores que decantaron a pelexa entre Modesto e Popolo, que foi o que mellores valores acadou neses parámetros.

Pola banda contraria, Botikas batiu con comodidade a Sarabia, mellorando en tódolos parámetros e acadando 56 puntos.

Lume tamén gañou a sua confrontación con Compoñente Sur á conta da pluviosidade e loitará pola final B.

Kaltxon tamén atinou na pluviosidade, factor determinante para a vitoria sobre Bar Pequeno. 57 puntos para compartir a vitoria con Landrán.

Marius rebatíu as boas apostas de Michi en temperatura con mellor acerto no vento e na auga e leva a vitoria para optar á final B do torneo.

Se queres acadar os datos recollidos nesta 2ª rolda da Ojete’s Cup 2022, pica no enlace embaixo este texto.

A OjeteQuake 2022 desputou a sua penúltima etapa cunha xornada onde se sucederon os sismos maiores a 5,5 Mg. O rexistrado nas Illas Kermadec foi o maior, cunha magnitude que inicialmente se presentou coma 6,8, posteriormente reducíuse ata os 6,4 e finalmente quedou confirmada unha magnitude de 6,6 Mg.

Landrán repetíu vitoria cun epicentro apostado ao norte de Fiji, cunha intensidade de 5,7 Mg. para unha puntuación final de 462 puntos. Na xeral segue lonxe da cacheira, no posto 27. Kaltxon ten a segunda mellor marca do día, cunha aposta nas Illas Salomón e un total de 442 puntos, o que lle fai coller o liderato da clasificación a falta de 2 xornadas. Un por baixo presentou Popolo, na mesma zona e 441 puntos finais. Julio, presente tamén nesa zona achegou 432 e ascende á 4ª praza da xeral. Iago, con 411 puntos navega pola 8ª praza da xeral.

A falta de 2 etapas atopamos ós 6 primeiros clasificados nunha marxe de apenas 100 puntos. O resultado final é incerto sen apostantes destacados, polo que o máis efectivo nestas 2 xornadas será o que teña as cartas para gañar o torneo.

Para acceder a toda a información recollida na 19ª etapa da OjeteQuake 2022, preme no botón baixo estas letras.

Saúde e sorte!!!

Segunda rolda de competición na derradeira competición da tempada meteorolóxica amateur de eltiempoentuojete. O estado de Karnataka recibe @s 16 mellores meteoludópatas neste vran de 2022. A Ojete’s Cup desputa a segunda quenda de enfrontamentos no que semella un repouso dentro da tempada de monzón. Agárdase pouca chuvia ou nula, dacordo ás apostas recibidas.

As temperaturas máximas establécense entre os 23 e os 29º C. As apostas para a mínima oscilan entre os 16 e os 19º C. Case a metade das prediccións en chuvia están valeiras, mentras o resto chega ata os 4 litros, con unha aposta desmarcada de 8 litros. Os refachos de vento van dos 16 ata os 41 km/h.

A batalla entre Landrán e Punteiro somentes difire no refacho de vento, que tamén está moi axustado. Resultado incerto.

Mina e Xowi teñen diferenzas cativas en temperatura mínima e refacho, polo resto moi semellantes. Resultado incerto.

Verducido e Beocha presentan valores parellos, que difiren nun litro de chuvia e 3 km/h. Resultado incerto.

Popolo e Modesto distínguense por un grado en temperatura, un litro na chuvia e un refacho distante. O vento pode ser decisivo.

Sarabia e Botikas teñen a sua némesis na chuvia, ainda que no vento tamén discordan. A auga marcará as distancias.

Lume e Compoñente Sur teñen o refacho empatado, pero no resto, moitas diferenzas. A auga tamén pode ser decisiva.

Bar Pequeno e Kaltxon basan as suas diferenzas na chuvia. Ése será o parámetro crítico.

Marius e Michi tamén se distancian na chuvia, pero o vento terá moito que dicir. Resultado incerto.

Para seguir todo o que aconteza en Gonikoppal, no distrito de Kodagu en Karnataka, pica neste enlace ao vivo, que comezará a traballar cara as 03:00 horas desta madrugada (con permiso das festas). Non a perdas…!!

Na OjeteQuake 2022 chegamos ás derradeiras 3 xornadas e nesta 19ª as apostas volven concentrarse no leste de Asia, dende o norte de Rusia ata os lindes de Fiji no sur. Fora dese ámbito somentes atopamos epicentros nas Illas Sanwich e na costa de Ecuador. Nada máis… A magnitude máxima apostada chega ata os 6,1 Mg.

Se queres seguir o que suceda en directo, podes facelo dende este enlace ao vivo, e comezará a transmitir cara as 03:00 horas (con permiso das festas).

As apostas:

Saudos e sorte!!!

A 2ª rolda da Ojete’s Cup diríxese ó norte, seguindo a costa occidental e os Western Ghats no suroeste da India. Semella que o monzón debilítase conforme entramos en agosto, pero non se pode perder detalle do que está acontecendo. Polo lado verde do Cadro de Competición, oito participantes buscarán as semifinais do torneo. Polo lado vermello outr@s 8 meteoludópatas tratarán de acadar as semifinais da final B.

Cadro de Competición:

Enfrontamentos:

Na procura do trofeo

A experiencia de Punteiro supera con moito á de Landrán, pero éste ven de gañar o Torneo de Vran, tamén na India e superou a primeira rolda con vitoria e semella no mellor momento da tempada. Pero Punteiro é imprevisible…

Dous asíduos da competición un-contra-un buscan a semifinal con valores moi similares. Maior experiencia para Xowi, pero con mellor estadística en vitorias para Mina.

Tamén grandes coñecedores do torneo son Verducido e Beocha, con varios podios no lombo. Verducido xa gañou esta competición, pero Beocha presenta mellor acerto en pluviosidade, factor fundamental na India.

A pouca estadística rexistrada por Modesto contrasta cos malos resultados de Popolo. Moita incertidume nunha batalla que podemos calificar de “histórica”.

Na procura da final B

No lado vermello do cadro atopamos a Sarabia e Botikas. Os datos favorecen a Botikas, excepto o acerto xeral e a chuvia, que promete esperanza a Sarabia.

Cunha experiencia similar, as estadísticas sinalan a Compoñente Sur un pouco por riba no enfrontamento, con máis vitorias e mellor acerto. Lume tentará dar unha semi-sorpresa.

Tamén moi similares en case tódolos parámetros están Bar Pequeno e Kaltxon. O acerto en pluviosidade é o mesmo. A posibilidade de ascender cara a final B tamén é semellante.

Marius e Michi enfróntanse na loita pola final B, na que Michi é un auténtico especialista. Pero as estadísticas de acerto non din o mesmo, sendo favorables a Marius, sobre todo na pluviosidade.

Saúde e sorte!!!