Xornada apocalíptica en Tawang, a máis de 2800 metros de altitude, en Arunachal Pradesh, onde a chuvia foi protagonista. Somentes a terceira parte dos presentad@s en Tawang levaron algún punto neste parámetro, deixando a 0 o marcador da gran maioría de meteoludópatas. Xornada épica onde o outro protagonista abreu a porta do Olimpo Meteorolóxico Amateur.

As temperaturas acadaron os 17º C. na súa máxima expresión e os 11º C. nas mínimas, dentro dos parámetros apostados. A chuvia comezou a encher a cubeta cedo e paseniño, dende as 07:00 ata as 15:00 horas. Nese espazo de tempo acumuláronse 32 litros, sen contar os 18 litros que arrastraba o día anterior. O vento tamén boureou dende cedo e marcou o refacho máximo na madrugada con 20 km/h.

Despois da hecatombe, imos botar un ollo ás repercusións e posibles secuelas. Tan só 4 participantes superaron os 40 puntos, deixando unha das etapas con menor acerto da historia de eltiempoentuojete. Entre estes 4 semiduses fixo aparición o heroe da xornada. Landrán tiña unha aposta máxica, onde perdeu 2 puntos na temperatura e outro no vento. A súa aposta en pluviosidade rozou a perfección, con 31 litros sobre os 32 recollidos na estación. Total espectacular de 56 puntos. Semella que xogou ó ataque, sendo a maior aposta en chuvia das recollidas o venres. Tivo que estar moi seguro para apostar dita cantidade de chuvia estando nunha posición preferente na xeral, na 4ª praza. Hoxe luns, ocupa o primeiro lugar na táboa xeral e obtén unha renda de 11 puntos cos persecutores, que semella suficiente para a derradeira xornada. Ainda que non pode durmir no loureiro, dada a complicación da presente competición. Gloria ó heroe!!!

14 puntos por tras atopamos a Kaltxon e Budainca con 42 puntos. Kaltxon apañou 5 puntos en pluviosidade, con boas apostas no resto de parámetros. Ocupaba o posto burbulla da xeral, o 17º e agora circula no 10º posto. Budainca, con unha pobre competición, estaba na 31ª praza e pasa ata a 26ª a 16 puntos do Top-16.

40 puntos para Kaltxon, que apenas conservou 2 puntos en auga, pero con bó rendimento en temperatura e refacho e pasa do 13º lugar ata o 9º.

Por tras unha morea de xogador@s con menos de 40 puntos. A destacar a etapa de Oscar, con 19 puntos, que pasa do posto 11 ata o 23 a 10 puntos do Top-16. Se queres coñecer máis do acontecido en Tawang e o seu calamitoso resultado, pica no enlace embaixo estas letras.

Na 16ª etapa da OjeteQuake 2022 temos que lamentar a perda doutro heroe, que petou de fuciños na porta do Olimpo Sísmico. Iru situou a súa aposta a menos de 150 kms. do epicentro do maior terremoto rexistrado no domingo. 495 puntos acadaría se non fora penalizado por retraso. Pero ahí andaba Iago, que ainda que algo máis lonxe do epicentro, entrou en tempo sumando 487 puntazos. A pouco máis de 660 kms. do maior simo do día, localizado preto de Ternate, no noreste de Indonesia e cunha magnitude de 5,4 Mg. Sube ata o 10º posto da xeral, a apenas 250 puntos do liderato.

O artista invitado, Liam, acadou 1 mísero punto menos que Iago, 486, dende o sur de Filipinas. Dende o centro dese país apostaba Xowi, con 484 puntos, cos que asume o liderado da xeral cunha renda de 5 puntos sobre o segundo. Lume suma 482 puntos dende o norte de Papúa Occidental e sitúase no posto 11. Rasta76, dende o norte de Filipinas e Belenchis, dende o arquipélago de Palau comparten puntuación con 480 puntos.

Para acceder a toda a información referida á 16ª etapa da OjeteQuake 2022, pica no botón con enlace baixo este texto.

Saúde e sorte!!!

4ª e penúltima etapa das que conforman o IX Torneo de Vran en India. Semella unha xornada onde se poden decidir moitas posicións na xeral e ainda non están asegurados nin @ vencedor final nin os compoñentes do grupo que vai desputar a Ojete’s Cup 2022. De novo temos ameaza de chuvia e as apostas volven ser inestables en varios dos parámetros.

As apostas en temperatura máxima oscilan entre os 15 e os 21º C., con 4 marcas superiores ós 29º C. As apostas sobre a temperatura mínima van dende os 9 ata os 16º C., con outras 4 apostas por riba dos 23º C. As prediccións de chuvia van dende 0 ata os 31 litros. Os refachos de vento abarcan dende os 13 ata os 54 km/h., sendo como a chuvia outro dos parámetros máis amplos.

Se non te queres perder nada do que aconteza nesta penúltima etapa do torneo, podes seguir a etapa ao vivo dende este enlace, a partires das 02:30 desta mesma madrugada.

As apostas na OjeteQuake non difiren moito das anteriores etapas, con concentración no leste de Asia, dende o noreste de Rusia ata Nova Caledonia. Fora dese ámbito de xogo atopamos sinais de epicentro ao norte da India, no Golfo de Bengala, na costa de Australia Occidental, ao norte de Irán, norte de Arxentina, ao sur das Illas Azores e entre as Illas Sandwich e as Illas Malvinas. A magnitude máxima apostada chega ata os 7,1 na escala de magnitude de enerxía liberada.

Para obter toda a información en directo do que suceda na 16ª etapa da OjeteQuake 2022, pica neste enlace á xornada sísmica ao vivo, activo dende as 2:30 horas desta madrugada..

As apostas:

Saúde e sorte!!!

A terceira etapa do IX Torneo de Vran en India trouxo moitas alteracións á clasificación xeral, e xa podemos dicir que vai ser norma durante o desenrolo da competición. Desculpas polo retraso na publicación dos resultados finais, para atender a algún/ha meteoludópata que viu auga na estación en xogo, Dudhnoi_kvk. Finalmente constatamos que a estación que sinalaba a auga compartía o seu nome, pero somentes a medias, sen o “_kvk” e que pertencía a outro grupo de estacións neste estado de Assam.

Desta maneira podemos falar de unha temperatura máxima que acadou os 35º C. e unha mínima de 27º C. A chuvia non chegou á Dudhnoi_kvk, ainda que na súa irmá, tamén en Dudhnoi e a pouca distancia, recolleron 6 litros. O vento colleu a súa maior forza no inicio da xornada e marcando 30 Km/h.

Isto da coma resultado un cuarteto de vencedor@s con 56 puntos. Sarabia, Botikas e Bar Pequeno prediciron unha cubeta baleira e Michi engadíu un único litro. Bar Pequeno mallou temperatura e chuvia, pero tivo que compartir vitoria á conta dunha puntuación baixa no vento. Sarabia fai a a súa segunda vitoria e colle o liderato. Michi chega ata o 3º posto, mentras Botikas e Bar Pequeno acadan posto entre os 16 mellores no 8º e 13º lugar respectivamente.

55 puntos para Compoñente Sur, con 3 litros e as temperaturas malladas. Entra no Top-16 no penúltimo lugar de acceso, o 15º.

Mutombo, con unha xornada perdida, acadou 54 puntos e ainda pensa en dar unha machada e meterse no Top-16.

52 puntos aporta Lume para colocarse no 10º posto da xeral.

Verducido e Denodeno achegan 51 puntos no marcador. Verducido no 2º lugar e Denodeno no posto 20 a apenas 4 puntos do Top-16. Oscar, con 50 puntos e no 11º posto pecha a lista dos que acadaron 50 puntos ou máis.

Se queres coñecer todo o relacionado coa desputa da 3ª xornada, en Goalpara, pica no enlace embaixo este texto.

E na OjeteQuake 2022, un sismo na parte final da etapa, situado na Easter Island, tamén coñecida coma Illa de Pascua, subíu a 5,6 Mg. e rematou coma sismo máximo do domingo.

Compoñente Sur, dende o sur de Chile, foi o competidor máis preto do epicentro e suma 435 puntos e súa segunda vitoria sísmica histórica. Circula polo posto 26, con duas etapas perdidas. Xowi anotou 421 puntos dende Nova Caledonia e colle o segundo posto xeral, a 32 puntos do líder. Máis preto estaba Jose Lopez, pero a alta magnitude fixo que perdera a segunda praza da etapa. Fixo 411 puntos e ocupa o posto 22. Mesmos puntos para Botikas dende Vanuatu, que ascende ata o 8º lugar na xeral. 406 puntos para Aki dende a illa caribeña de Monserrat, subindo ata o posto 20.

Para acadar tódolos datos da 15ª etapa da OjeteQuake 2022, preme no botón de enlace que atoparás baixo estas letras.

Saúde e sorte!!!

Chegamos á terceira etapa do Torneo de Vran na India e comeza a notarse a presión. Unha simple xornada pode trocar a clasificación xeral e darlle a volta que algúns precisan. Con resultados coma os das xornadas pasadas, ainda podes recuperar posicións e loitar polo título ou asegurar unha praza entre os 16 mellores que desputarán a Ojete’s Cup 2022.

As apostas para a temperatura máxima son altas, con valores entre os 33 e os 37º C. Tamén disparadas as mínimas, entre os 24 e os 28º C. As apostas en chuvia, con máis amplitude, oscilan entre os 0 e os 20 litros. No que afecta ao vento, os refachos están valorados entre os 10 e os 38 km/h.

Con apostas tan variadas temos ante nós unha emocionante etapa, que podes seguir ao vivo dende este enlace, a partires das 03:00 horas desta madrugada.

Na OjeteQuake 2022 chegamos ata a xornada 15, cada vez máis preto do final, pero con moit@s competidores con oportunidade de vitoria, tanto en etapas coma na xeral. A maioría de apostas seguen situadas no leste de Asia, entre o norte de Xapón ata o sur de Nova Zelanda. Varias marcas tamén na contorna da India, ao norte de Irán, na costa de Alaska, no Caribe na zona de Monserrat, sur de Chile e nas Illas Georgias/Sandwich.

Se non te queres perder nada do que aconteza na xornada sísmica, podes seguir a etapa ao vivo dende este enlace, a partires das 02:00 horas desta madrugada.

As apostas:

Saúde e sorte!!!