Temos que irnos acostumbrando a recibir os resultados meteorolóxicos da xornada. Non serán visibles ata máis aló das 15:00 horas do luns, polo que estamos a ver.

A xornada deixou unha temperatura mínima que ninguén esperaba. Quedou fixada nos 14º C. nos que se iniciou a xornada. A temperatura máxima acadou os 17º C. xa na tardiña. No que respecta a pluviosidade, todo o día rexistróse a marca de “Little rain” ou chuvia miúda, pero no pluviómetro somentes se recolleu pouco máis de 1 litro. O refacho tamén estivo por baixo da maioría das apostas recibidas, deixando unha marca de 14 km/h.

Desta maneira obtivemos un gañador en soidade con 58 puntos. Michi foi o participante con mellor rexistro, que o coloca a somentes 2 puntos do corte dos 16 escollidos para participar da Ojete’s Cup. Xowi entra segundo, con 57 puntos e obtén a 7ª praza momentánea. 57 tamén aporta Botikas para manter o segundo chanzo do podia, empatado no liderato. Nanuq conserva o posto de honor, a costa dos 56 puntos en Sitka. Jose Lopez achega 55 puntos na xornada para manterse no Top-10 da xeral. Con 54 puntos, Víbora, Lukas, Aki, Breogán77, Popolo e Compoñente Sur están situados na zona de confort, mantendo as posibilidades para a Ojete’s Cup. Verducido tamén ten 54 puntos, pero sitúase a 5 puntos do corte.

Nanuq e Botikas manteñen o liderato na xeral, cun burato de 4 puntos sobre Víbora e 6 sobre Lukas. Xowi, Jose Lopez e Aki están igualados dentro do Top-8 que pecha Ocandepavlov. 3 puntos por tras, Zalamera e Sarabia clausuran o Top-10. Breogán77, Beocha, Oscar, Kaltxon, Popolo e Compoñente Sur teñen praza oficiosa para a Ojete’s Cup. Este último empatado a puntos con Julio, coas vitoria do lado de Compoñente Sur.

Para coñecer tódolos detalles do acaecido na 3ª etapa do Torneo de Vran en Alaska, pica no enlace baixo estas verbas.

Polo que atingue á OjeteQuake 2021, seguimos a sacar o “gordo” moi cedo. Desta volta, apenas pasaba media hora do comezo da xornada cando un tremor de 5,4 Mg. sentíase ao norte da illa de Tonga, no sudoeste do Océano Pacífico. Ainda que se rexistraron grande cantidade de tremores con magnitude 5 ou superior, ningún superou ó de Tonga. Incluso tivemos un sismo de igual intensidade, localizado en Irán, pero descartóuse debido á distancia con algún participante, segundo o que recolle a Regulamentación Sísmica.

Botikas erixíuse coma gañador único cunha puntuación de 479 puntos, na que a localización foi excelente, con somentes 3 puntos de perda nas coordenadas. A magnitude recolleu o resto de perda de puntos. Na mesma zona atopábase Compoñente Sur, que apañou 467 puntos. Miúda foi a cantidade de apostantes por riba dos 400 puntos, apenas 12 privilexiad@s.

Pouco se moveu a xeral sísmica nesta xornada, pero atopamos pequenos trocos. Podes comprobalo por ti mesmo premendo o botón que atoparás embaixo este texto.

Saúde e sorte!!!

Segue o seu curso o VIII Torneo de Vran, desta vez en Alaska, e seguen a buscar o seu espazo @s meteoludópatas de eltiempoentuojete. De novo a xornada pode deixar precipitacións, polo que a xeral pode mudar e modificar a actual orde establecida na táboa. Ademáis, atopamos ausencias e penalizacións incluso dentro do Top-16. Poderá alguén aproveitar esta situación?

As apostas en temperatura máxima oscilan entre os 13 e os 18º C. As mínimas, máis parellas, van dende os 10 ata os 13º C. As apostas en pluviosidade arrincan en vacío, 0 litros ata unha cota superior de 8 litros. Nos refachos de vento, as apostas encádranse entre os 12 e os 35 km/h., cunha apostas punta de 48 km/h.

Moita igualdade pero con marxe suficiente para axitar a clasificación xeral e, máis en profundidade, o Top-16 que determina a participación na Ojete’s Cup 2021. Non perdas a oportunidade de seguila ao vivo dende este enlace, a partires da mañanciña do domingo.

Na OjeteQuake World Globe 2021, a zona occidental do Anel de Fogo segue a ser o destino principal dos sismoludópatas. Dende o norte de Xapón ata Papua atopamos o groso das apostas. Fora desa ubicación atopamos apostas varias na costa sudamericana, na costa de Estados Unidos, en Kirguistán, no surleste de China, norleste de Rusia, Alaska, Fiji e no mar ao sur de Sudáfrica.

Recorda que podes modificar o signo positivo-negativo da tua aposta no caso de non estar no lugar axeitado. Nese caso, envía un mail o noso enderezo electrónico eltiempoentuojete@gmail.com antes das 20:00 horas deste sábado.

Podes seguir a xornada sísmica ao vivo dende este enlace a partires das 02:00 horas desta mesma madrugada.

As apostas:

Saúde e sorte!!!

Fíxose de rogar a axencia americana NOAA á hora de publicar os datos finais da 2ª xornada do Torneo de Vran en Alaska. Finalmente témolos no noso poder…

A xornada foi o que se agardaba, unha sucesión de chuvia pequena que foi enchendo o pluviómetro da estación meteorolóxica de Yakutat. As temperaturas non mudaron de 9º C., que foi a mínima do día, ata a sobremesa, cando acadaron os 12º C. definitivos para a máxima. A cantidade final de chuvia recollida ascende a 29 litros, algo menos que o que arroxaban as contas de valores minutais. O refacho de vento nesa táboa amosaba 28 km/h., que foi modificada na lectura definitiva ata os 31 km/h.

Somentes 8 participantes superaron os 50 puntos, pero ainda máis xogador@s non chegaron nin ós 40 puntos, entre eles varias vacas sagradas con moita competición ás súas costas.

A vitoria foi compartida entre Nanuq, que colle o mando da clasificación xeral, e Kalandrakas, que cos puntos acadados entra no Top-16 a pesares da penalización na xornada inaugural. 54 puntos foron os conseguidos polos gañadores. Con 53 puntos entra Punteiro no Top-5, con boas marcas nos tres parámetros. Víbora aporta 51 puntos no casilleiro e colle o terceiro paso do podio. Ocandepavlov tamén entra no Top-5 por mor dos 51 puntos recollidos. Con 50 puntos, Zalamera, Botikas e Lukas tamén collen lugar no Top-10, con Botikas no segundo posto. Aki, con 48 puntos e Oscar e Sarabia con 47, pechan os 11 mellores en Yakutat.

Na xeral, o podio está ocupado por Nanuq, Botikas e Víbora, nesta orde. Na parte final dos que acceden á Ojete’s Cup, en perigo, están Breogán77, Oscar e Kalandrakas, se ben estes dous últimos acaban de arribar ás posicións de compromiso.

Se queres coñecer tódolos detalles do acontecido na 2ª etapa do Torneo de Vran, desputada en Yakutat, pica no enlace embaixo exposto.

Na OjeteQuake, tivemos unha xornada de perfil baixo, cunha magnitude máxima de 5,3 Mg. O sismo, localizado en Alaska, podería afundir a algúns apostantes, pero tivo lugar no oeste das Illas Aleuterianas, máis preto do Xapón e da maioría de apostas. Sarabia obtivo a mellor localización da xornada, acadando 490 puntos, a unha decena do pleno. Por tras, Verducido con 458 pts. na mesma zona pero moi por riba na magnitude. Zalamera con 452, dende Xapón, acada o terceiro posto.

Para acceder atódolos datos da 14ª etapa da OjeteQuake, preme no botón embaixo estas liñas.

Saúde e sorte!!!

Albíscanse nubes no horizonte. Semella que a segunda xornada do Torneo de Vran en Alaska vai poñer a proba todo o coñecimento adquirido durante anos en eltiempoentuojete. Incluso a sorte deberá estar da túa parte para poder levar unha vitoria que decidirá moito o desenrolo da competición. Incluso pode ser decisiva para a selección dos 16 mellores que acudirán á Ojete’s Cup. Pero non vendámolo peixe antes de arribar o barco. Para este domingo temos unha grande variedade de apostas que, de calqueira modo, vai axitar a clasificación xeral coma un olivo en xaneiro.

Desta maneira temos unha xornada apocalíptica, que merece a pena ser seguida ao vivo dende este enlace. Será a partires da mañanciña do domingo, por mor das 10 horas de diferenza horaria.

As apostas en temperatura máxima van dende os 11 ata os 13º C. As mínimas, entre os 8 e os 13º C. Todo moi apertado nestes parámetros. Nada que ver cos valores recibidos para a pluviosidade. A aposta menor é de 1 solitario litro, mentras que o valor máximo acada os 66 litros. Polo medio, distintas cantidades de chuvia que promete ser o parámetro a seguir. Pero tampouco defraudan as apostas en refacho de vento, con cifras entre os 20 e os 61 km/h.

Polo que atingue á OjeteQuake, A maioría das apostas seguen a estar concentradas no Anel de Fogo, con máxima concentración entre o norte de Xapón e Papua. Fora desta zona atopamos apostas no Golfo de Bengala, no Mar Caspio, en Alaska, California e norte de Chile. Todo isto despois do sismo de 6 Mg. que sacudiu a fronteira entre California e Nevada. Se queres casar en Las Vegas cun Elvis afeccionado, vai pedindo cita…

Podes seguir esta xornada sísmica neste enlace ao vivo dende as 02:00 horas desta madrugada.

• E recordamos que @s non presentad@s ainda poden achegar as súas apostas ata as 16:00 horas. No caso de erro en coordenadas, podes avisar dos trocos no sigo positivo ou negativo antes das 20:00 horas de hoxe. Agardamos, pero temos límites.

As apostas:

Saúde e sorte!!!