Dende eltiempoentuojete comunicamos o troco de estación meteorolóxica na xornada 17 da Liga da Inverneira.

A estación de Cabeza de Manzaneda ten o anemómetro xeado dende mediados de decembro. Coma outros anos nesta época. Estamos a pensar en facer un “bote” para anexar un calefactor ó anemómetro, porque seica a estación non está preparada para un tempo tan frío. E semella que imos ter problemas ata que troquen a estación de xoguete que teñen en Manzaneda por unha profesional que resista o clima dunha estación de esquí.

Tentamos engadir unha estación meteorolóxica na contorna de Manzaneda, pero despois dunha revisión, semella que todas as estacións de Meteogalicia no oriente ourensán teñen problemas co anemómetro ou incluso con todos os aparellos. Probamos entón no interior da provincia de Lugo, pero os problemas repetíanse.

O final, despois de escoitar o nome case a diario no Galicia Noticias, optamos por escoller a estación de Calvos, en Calvos de Randín. Sónavos? Adoita ter a temperatura mínima menor en toda Galicia. Incluso recomendóuse coma lugar estratéxico para o almacenamento da vacuna para o COVID-19.

Xa podes atopar a xornada nos enlaces do menú e estamos traballando para que tamén podas acceder dende o Calendario. Se notas que algún enlace ainda apunta a Cabeza de Manzaneda, non dubides en facérnolo saber no noso enderezo electrónico eltiempoentuojete@gmail.com

Sentimos moito o retraso, pero as suplentes que gardabamos foron caindo na rede da friaxe extrema e tivemos que loitar para atopar unha estación en condicións de xogo. Así mesmo, non podemos saber se a estación de Calvos vaise estragar nos próximos días. Nese caso debemos clarificar este tema no Regulamento.

Repetimos as desculpas e ameazamos con represalias varias a Meteogalicia por non manter os aparellos no estado que deberían. Eiquí deixamos o enlace a Calvos.

Saudos e sorte!!!

Grande a xornada desputada este domingo na estación dos Ancares, con gañador en soidade a máis de 1300 m. de altitude.

O anticiclón agardado fíxose de rogar e non tomou posesión ata despóis de xantar. Mentras, os cúmulos rezagados de Filomena deixaban máis de litro e medio de precipitación, redondeando a 2 litros ó final do día. A temperatura mínima comezou a xornada con -4º C. e chegou a baixar ata os -5 xa na tardiña. A máxima presentóuse ás 14:20 h., chegando a uns -2º C. lambidos. O refacho máximo de vento rexistróse de madrugada acadando os 90 km/h., ainda que apenas baixou dos 50 antes do remate da etapa.

Moit@s líderes temporais deixaron paso á tiranía de Julio, que ainda que compartíu vitoria en varias ocasións, a baixada final das temperaturas apartou contrincantes e fixo cumio en soidade con 56 pts. Segunda vitoria nesta edición da Liga da Inverneira, asentando o cuarto posto e limando diferenzas cos inquilin@s do podio. Noraboa!!

Con 55 pts. entrou Beocha, que perde somentes un punto con Julio e mantén a terceira praza, roubando un punto ós escapados. O novato Modesto segue a sua progresión e supera a Marius e Balboa e, na practica, a Xowi por cantidade de vitorias. Chega o 6º lugar e xa ameaza a Punteiro no 5º.

54 puntos acadaron os dous primeiros provisionais, Botikas e Verducido. Seguen a marcha sen complicación e, de momento, somentes miran o un para o outro. Víbora, coa mesma puntuación, acertou cando predicíu maior refacho dos apostados. Empata con Michi ás portas do Top-10. Nanuq quebra una racha pouco afortunada e sitúase no grupo que persigue os postos de honra.

Con 53 puntos está Punteiro, mantendo a 5ª praza e Mina, que acada a 10ª. Aki colócase no posto 15.

Destacan nesta xornada o gañador, Julio e o novato Modesto, sangue nova despuntando nos altares da competición. O trio de cabeza non baixa a garda e mantén altas puntuacións. Duas vacas sagradas, Mina e Víbora asoman a cacheira ó Top-10.

Defraudan nesta etapa Landrán e Michi, expulsados dos dez mellores. Dentro do Top-10, Xowi, Balboa e Marius perden unha grande oportunidade e algunha posición, ainda que seguen ben situados. Labazada nos fuciños para tod@s aquel@s que pronosticaron menos de 60 km/h. de refacho de vento. Xa vos vexo, sendeiristas inexpertos na ventisca de Ancares. Carne para o lobo…

Se queres profundizar no acontecido na 16ª xornada da VII Liga da Inverneira, no concello de Cervantes, pica no botón embaixo estas liñas.

Saúde e sorte!!!

Semella que nesta ocasión, en Ancares a chuvia non será o parámetro a vixiar. O anticiclón que domina o panorama deixará profundas xeadas en todo o país, sobre todo nas cotas altas. E agardamos vento do nordés… As temperaturas e o refacho de vento poden decidir o gañador/a no concello de Cervantes.

As temperaturas máximas amosan grande amplitude térmica. As apostas van dende os -4 ata os 5º C. As mínimas, máis pechadas, fluctúan entre os -2 ata os -7ºC. A maioría das apostas en chuvia están baleiras, agás duas apostas de 1 litro e un mesías que que profetiza 9 litros. Boa nevada… As apostas en refacho de vento son do máis caóticas, con valores entre os 19 e os 93 km/h.

Con estes datos agárdanos unha emocionante xornada onde calqueira cousa pode pasar, tendo en conta á época do ano, o clima presente e unha estación de alta montaña. Podes seguir a xornada ao vivo dende este enlace a partires das 01:30 da madrugada de hoxe.

As apostas:

Saudos e sorte!!!

Modesto achéganos unha curiosa letura recomendada. “La aldea gallega” e unha visión do rural galego de principios do século XX plasmada en tinta por un xoven xuiz sevillano que coma primeiro destino recalou no concello ourensán de O Bolo. Esta visión peculiar sobre tódolos aspectos da vida nunha aldea galega viu a luz en 1914. Modesto presenta unha reflexión sobre o texto que nos achega ó contido de “La aldea gallega”, de Nicolás Tenorio. Unha gran introducción para unha obra que podes desfrutar a través dun enlace que atoparás ó final do artigo. Pica no enlace de embaixo para acceder.

E recorda que tí tamén podes contribuir e participar facendo algún artigo, reflexión ou recomendación. O noso correo sempre está acendido para achergarnos archivos ou resolver dúbidas. É este: eltiempoentuojete@gmail.com

Deixa a tua pegada na internet!

Saúde e sorte!!!