Dende eltiempoentuojete damos inicio a 8ª tempada coa celebración na terra nai das competicións meteorolóxicas amateurs: A Liga da Inverneira na Galiza.

Ésta é a sétima edición da competición máis completa das realizadas nesta web. Contará con 26 xornadas repartidas por todo o país, a maioría grandes coñecidas polos meteoludópatas de eltiempoentuojete. A situación temporal das etapas tamén corresponde na sua maioría ás desputadas anteriormente, O comezo, coma de costume, será en Corrubedo esta mesma fin de semana. Recorda facer a tua aposta antes das 24:00 horas (máis detalles, eiquí).

Se coñeces algún friki que queira xogar connosco, estás en disposición de invitar a quen te pete. Non esquezades darlle unhas nocións do xogo e adoctrinalos na meteoludopatía científica. E sobre todo, darlle importancia a puntualidade nas apostas.

Este ano, coma os derradeiros, o obxetivo a batir será Botikas. Lenda das ligas meteorolóxicas, sobre todo na Galiza, quen o derroque terá suite presidencial no Olimpo Meteorolóxico. Da mesma forma, Botikas tentará batise a él mesmo, obxetivo compricado pola alta efectividade xeral nas derradeiras competicións. Agardamos unha competencia fonda ata a derradeira xornada, en Cuntis, e elevando o listón da calidade das predicións ata superar ás axencias meteorolóxicas profesionais.

Nese senso seguimos a confiar a resposta ás nosas apostas en Meteogalicia, que agardamos traballe coma sempre (ou mellor) e non ter problemas na recepción dos resultados das estacións en xogo.

A web xa ten á tua disposición os enlaces necesarios para a desputa da primeira xornada, que podes consultar nos menús e na barra lateral. Pero se atopas calqueira dato erróneo ou faio de funcionamento de enlaces ou semellante, non dubides en facérnolo saber en Fala con nós!!, ou no correo electrónico eltiempoentuojete@gmail.com. Axudándonos, axudas atódol@s xogadores.

Polo tanto, non deixes de participar nunha competición única no seu xénero, lonxe do convencional. A partires de agora está aberto o Formulario de apostas para depositar a tua aposta antes das 24:00 horas do venres 25 de septembro. Vamos, en tres días. O desnlace, o domingo, no que podes seguir o desenrolo da etapa na Xornada ao vivo.

Saúde e sorte!!

eltiempoentuojete chega ó remate da tempada 2019/2020, a 7ª na sua historia e xa prepara a próxima edición da competición máxima de meteoroloxía amateur,

Pero antes temos que agradecer a tod@ aquel que participou de calqueira maneira concebible no desenrolo desta tempada de competicións meteorolóxica e sísmica.

Grazas a tódal@s participantes nas diferentes ligas , torneos e modalidades. Vós sodes os que facedes que ano tras ano renovemos ós nosos votos coa predicción meteorolóxica e sísmica amateur. E tamén a quen participou en calqueira momento da historia desta web, tanto coma xogador/a coma contribuinte en forma de táboas excel, localización, aporte de fotos, monografías, etc. “Sen vós non somos nadia…”

Os resultados deixan coma líder a Botikas, que apañou os tres primeiros torneos da tempada, Galicia, Australia e Perú. O derradeiro torneo, a Ojete’s Cup en Belice, levouno Breogán77, que inaugura o seu marcador coma gañador de torneos. Os novatos Julio e Marius ameazan con estar nos postos altos na nova competición, despóis dunha tempada primixenia para soñar con derrocar ó cacique actual.

Na OjeteQuake, a nosa liga dos terremotos a nivel mundial, Lukas revalida a vitoria acadada no 2018 e segue a comandar o Olimpo Sísmico amateur de eltiempoentuojete. Agardamos o regreso de Balboa, o outro baluarte da competición, pero os novatos tamén apertan tratando de ocupar algún dos postos de privilexio.

A nova tempada ainda está por preparar, pero adiantamos que serán as mesmas competicións nos mesmos periodos de tempo. Comezaremos coa Liga máis prestixiosa, a Liga da Inverneira de Galicia, cun mínimo de 25 etapas, dende finais de setembro ata mediados de marzal. A Liga de Primaveira, o Torneo de Vran e a Ojete’s Cup ainda están sen destino pero a sua celebración está (case) fora de dúbidas.

O inicio da VII Liga da Inverneira está previsto para o 27 de setembro, e como non pode ser doutra maneira, será a estación de Corrubedo, en Ribeira (este ano con B). O resto do calendario está por confirmar ainda que agardamos repetir a maioría das xornadas dos derradeiros anos. Traballaremos durante esta semana para ter preparados tódolos detalles relativos á primeira competición da tempada. Ó tempo pedímoslle borrascas profundas, pero sen danos persoais nin económicos, que permitan un xogo húmido e que as cunetas reborden de malas herbas, campos enchoupados que aseguren a fertilidade. E poalla da que non molla, senón empapa e néboas a ras de chan. Do mar pedimos vento suroeste, morno e con aroma do sal de américa. No interior queremos inversión térmica, neves dende o sur e vento nordés para as xiadas que eliminan o innecesario da terra. Pero nós somentes podemos desexar… As sorpresas son cousas do clima. E o clima é incontrolable. Ou non?.

Namentras agradamos o día da inauguración podedes consultar algunha estadísticas que nos deixou a Ojete’s Cup 2020 en Belice. Están baseadas nos datos de cada xogador, con independencia da sua posición final ou penalizacións. Igual levas unha sorpresa…

Pechando a tempada, un novo consello que axudará a mellorar o mundo no que vivimos. Tes un enlace embaixo e se queres ver máis accións coma esta, entra no Menú de Contido Seleccionado e pica en Botikas.org. Pode que o agradezas…

Nas próximas datas imos engadir o novo contido cara a VII Liga da Inverneira.Continúa atento a esta web. Ademáis, se eres VIP chegará o teu mail unha invitación persoal cara a nova tempada 2020/2021.

Despedimos a tempada, non sen antes subraiar os agradecementos anteriores e a tua fidelidade e compromiso coa investigación amateur lúdica, o auténtico leitmotiv que nos move a semellantes trapalladas.

Saúde e sorte!!!

O final da tempada 2019/20 de eltiempoentuojete estivo movida nas duas competicións en activo, a Ojete’s Cup en meteoroloxía e a OjeteQuake World Globe na parte dos terremotos. E xa temos novos campións nas duas categorías.

Na Ojete’s Cup a seca venceu á humidade dende a primeira xornada ata o final. E nesta xeira de apostas sobre secano o gran vencedor foi Breogán77, un “negacionista” da chuvia que supo ler coma ninguén o torneo en Belice. Oscar, outro “negacionista“, apostou desta vez sobre mollado e perdeu unha final que lle daría o seu segundo título da Ojete’s Cup. Breogán77, novato de segundo ano inscribe o seu nome no muro do Olimpo Meteorolóxico Amateur e ameaza con destacar na gran Liga na Galiza.

O terceiro caixón do podio acadóuno Compoñente Sur, despois de chegar ó desempate con Jose Lopez, a quen superou polo mellor refacho apostado. Éste último acada os seus mellores resultados xerais este ano. Poden ser dous perigosos rivais na Inverneira se seguen o seu desenrolo ó alza.

Marius gañou a Michi polo 5ª posto por mor dunha mellor temperatura e fai unha tempada de novato de ensoño e promete “molestar” na liga principal. Michi rematou coa maldición da 1ª rolda e acada a melor clasificación na Ojete’s Cup.

A loita pola 7ª praza xuntou ós dous xogador@s con peor coeficiente do Torneo de Vran. Sorprenderon na 1ª rolda e non se poden queixar dos resultados. Beocha gañou a Bar Pequeno no desempate polo mellor refacho de vento.

A final B non tivo batalla e Botikas leva a 9ª praza derrotando a Verducido polo déficit de auga. Ambos rematan a tempada por baixo das suas posibilidades.

Julio quitóulle a Xowi o 11º lugar atinando mellor a temperatura máxima. Grandes expectativas agardan ós dous na Liga da Inverneira.

A loita polo posto 13 barreu a Víbora no parámetro da auga. A vitoria levóuna Lukas. Agardamos velos diante nas seguintes competicións.

Alucarda e Iago pelexaban por acadar unha vitoria que evitara a humillación. Alucarda gañou no desempate por mellor refacho. Ambos terán que replantexar o seu método de predicción cara a nova tempada.

A OjeteQuake 2020 tivo unha xornada cardíaca. Xa desde moi cedo tivemos varios trocos. O primeiro sismo de intensidade foi parar a Perú, onde Xowi gañaba a etapa e a xeral. Despois un sismo nas South Shetland Islands daba a vitoria e o torneo a Marius. Pero 2 horas máis tarde outro sismo da mesma intensidade sacudía Whakatane, Nova Zelanda. A maior proximidade cunha aposta daba prioridade a éste e deixaba coma gañador a Julio. Ainda con outro terremoto de igual intensidade en Filipinas, non desbancou ó sismo “kiwi”.

Con tres maiores sismos de idéntica intensidade, isto non podía ser. O desmpate viu do medio do Atlántico, con pouco tráfico de apostas. A intensidade foi de 6,5 Mg., coma se quixera se despedir de eltiempoentuojete con honor e dignidade. Nesta ocasión o mellor situado era Xowi, pero dende Jamaica, Verducido axustou na magnitude e levou a vitoria na xornada, deixando a Xowi na segunda praza da xeral, a somentes 5 puntos do líder.

Lukas acada a segunda coroa da OjeteQuake World Globe, despóis de gañar na 1ª edición. Apenas 5 puntos o separan de Xowi, pero hai que recordar que Lukas perdeu 100 puntos por penalización na 8ª xornada. Ninguén gañara unha competición con penalización ás costas.

Marius arriscou apostando fora do Anel de Fogo e chega ata o terceiro posto. Rasta76 e Lume perderon forza e rematan 4º e 5ª. Verducido acadou a 6º praza axudado pola vitoria. Baixón de Julio e Oscar con apenas 300 puntos. 7º e 8º na xeral. Beocha sube ó 9º posto e Punteiro pecha o Top-10 na OjeteQuake 2020.

A finais de semana o resumo da tempada e os plans para a tempada 2020/2021.

Saudos e sorte!!!