Nova xornada sobre mollado e na que tivemos que agardar ata o derradeiro minuto para obter tódolos datos dos parámetros precisos. O vento, baixo para a media de apostas, quedou anclado nos 44 km/h. xa dende as 03:00 horas da madrugada. Era o final de Ignacio, que tamén aportou preto de 7 litros ó mesmo tempo que o refacho. E quedou estancado, agardando pola borrasca anunciada para a tardiña. A primeira hora da mañán acadóuse a temperatura mínima, 4º C. Na sesión vermú o mercurio chegou ata os 7ºC. de máxima. Todo quedaba pendente do que chegaría entre lusco e fusco. A cazoleta da estación acumulaba 7,6 litros antes de que, ás 19:00 comezara a chover paseniño pero sen parada. E non paróu ainda cando xa rematara a nosa xornada e a auga chegaba ata os 13,5 litros.

Na faceta humana, estivemos a maior parte da etapa baixo o xugo de Budainca, con baixas cifras en auga e vento. Cara as 22:00 h. vía como tiña que compartir vitoria virtual con Xowi. Pero na derradeira hora de competición chegou dende atrás Landrán, quen con pleno na temperatura e na chuvia levou a vitoria en soidade, terceira xa nesta edición. Un par de descoidos fan que Landrán, o xogador máis loureado nesta edición, esté perdido no medio da clasificación xeral.

Cun punto menos, 52, os desafiuzados no derradeiro momento Xowi e Budainca. Xowi volta compartir praza con Modesto, que acadou 50 e xuntos vanse achegando a Punteiro, na 5º praza. Budainca tenta achegarse ó grupo que loita por entrar no Top-10.

Con 51 puntos está Julio, mantendo a 4ª praza e recortando puntos cos predecesores. Michi, que entra na batalla polas posicións que dan acceso os dez mellores. Sarabia sube ata o posto 15 tentando recortar co grupo de diante. Lume escada algún posto preto do Top-20 e semella buscar unha vitoria pola que suspira.

Un paso por tras, con 50 puntos está Botikas, que emparéllase coma líder a Verducido nun baile de posicións. Modesto segue mantendo o tipo ante o embate de Xowi, a máis de alonxarse un pouco de Marius. Víbora entra por fin no Top-10 e continúa na traxectoria ascendente. Kalandrakas non é habitual neste resumo dos mellores da xornada, pero cando non se penaliza é moito máis doado. Pecha o Top-11 de xogadores que acadaron os 50 puntos, feito que da conta da dificultade da xornada en O Courel.

Hoxe non ímos falar mal de ninguen xa que, a pesares de que pouc@s meteoludópatas acadaron os 50 puntos, tampouco ninguén baixou dos 40 pts., nen sequera o penalizado Denodeno. Noraboa por iso a tod@s!!.

Se queres debullar todo o acontecido na 18ª xornada da Liga da Inverneira, en O Courel, preme no botón abaixo exposto.

Saúde e sorte!!!

Ainda metidos de cheo no tren de borrascas, este sábado imos recibir a visita de Ignacio. Despois de Gaetan e Hortense, Ignacio promete vento forte e chuvia intensa. Imos ver o panorama que agarda en chan ourensán, na Serra do Courel e se vai desbordar a Lagoa da Lucenza.

As temperaturas máximas oscilan entre os 5 e os 11º C. Máis apertadas están as mínimas, entre 2 e 6º C. A pluviosidade abarca apostas dende os 4 ata os 14 litros na sua maioría, ainda que atopamos 2 xogadores con máis de 20 litros. Os refachos de vento van dende os 40 ata os 90 km/h., ainda con algunha aposta por baixo de 30 km/h.

Con estes valores agárdanos unha xornada coa emoción ata o derradeiro minuto, coma sempre. Podes seguir a etapa ao vivo dende este enlace a partires da 01:30 horas desta mesma madrugada.

As apostas:

Saúde e sorte!!!

Espectacular estrea da estación de Calvos, en Calvos de Randín, Ourense. A suplente de Cabeza de Manzaneda viña de dar as temperaturas mínimas no nosos país e non defraudou. Voltou repetir a mínima en Galicia con -8,2º C. e ademáis batíu o record da Liga da Inverneira e igualando o rexistro de Perisher Valley, en Australia. E non se fixo agardar, pois a primeira medición do domingo foi precisamente -8º C. Semella que as nubes non fixeron aparición na noite de Calvos. Por certo, Meteogalicia sinala este parámetro coma código 2, isto é, “sospeitoso“. E tampouco houbo nubes no mediodía, cando a máxima temperatura acadou os 13º C. Da chuvia, sen noticias. O vento foi frouxo na noite para permitir a xeada e medio-baixo no mediodía, cando o anemómetro sen calefactor chegou ata os 20 km/h.

Con isto, a vitoria levouna en soidade Verducido, por mor da mellor puntuación nas temperaturas, con 18 pts. Superou por tres puntos a Botikas, acadando a primeira praza da xeral e unha vitoria importante cara a xeral. Non gañaba unha xornada dende xullo do ano pasado.

Un punto por tras chegaron Marius con 56, que sube do 9º posto ata o 6º e ameazando ó 5º. E Vívora, agora colocado a un só punto do Top-10.

Con 55 pts entrou Kaltxón, coa mínima temperatura apostada, e ascende dende o lugar 21 ata o 16.

Catro ocupantes do top-10 engaden 54 puntos á sua conta. O ex-líder Botikas e Beocha, medallas de prata e bronce provisionais mantiveron o tipo e amplían nun punto a diferenza cos aspirantes a podio. Punteiro, 5º e Mina, 10ª, manteñen a posición da xornada pasada.

Tamén entre a élite, Julio suma 53 puntos na 4ª praza e Modesto 52, na 6º, tentando dar unha sorpresa que non sería tanta sorpresa.

Estos son os 10 contendentes principais na xornada de Calvos, 17ª da Liga da Inverneira. Na cara oposta atopamos a Landrán, retrasado e con mala aposta retrocede dende unha posición da que deron rápida conta os seus compañeir@s de grupete. Tamén retrasado, pero ben apostado, M. B. Juaquín. Os 14 meses que tardou en parir deixóuno con secuelas que tenta redimir. Balboa perdeu tódolos puntos na temperatura mínima e perde forza na sua traxectoria irregular. Popolo e Iru faiaron tanto na máxima coma na mínima, sen acadar 10 puntos en xeral.

Se queres máis información, saca as tuas conclusións directamente dos datos recollidos en Calvos. Accede picando no botón embaixo estras letras.

Inédita a xornada desta semana na Liga da Inverneira. Calvos é a estación meteorolóxica de Calvos de Randín, onde as temperaturas mínimas mexan “cubitos” por riba de lugares coma Manzaneda ou Lardeira. Semella que o episodio de friaxe rematou, pero iso xa se falou para este xoves, ainda que onte mesmo acadou os -11º C. Todo vai depender de se o ceo estará anubrado ou non. De estar nubrado, as mínimas poderían quedar en valores “normais”, pero se queda despexado e sen vento, a xiada será terrible.

Nas apostas atopamos por igual partidarios do nubrado e da xeada. As temperaturas máximas van dende os 6 ata os 15º C. Tamén as mínimas teñen moita amplitude, con valores que van dende os 3 ata os -7º C. As apostas en pluviosidade están baleiras, non sendo por unha aposta “cun par…” de litros. As predicións de refacho de vento son baixas con valores concentrados entre os 12 e os 30 km/h. agás unha aposta de 36 e incluso un 68, case triplicando a media xeral.

Daquela temos por diante unha xornada a explorar, sen referencias pasadas, con apostas moi variadas e incluso a ameaza de pleno ronda o domingo. Supostamente o refacho acadará o seu máximo cando a temperatura máxima desconxele o anemómetro. As mínimas podense dar tanto de madrugada coma na tardiña do domingo. Podes seguir a xornada ao vivo dende este enlace a partires da 01:30 desta mesma madrugada.

As apostas:

Saúde e sorte!!!