Ventosa marca o final do camiño do outono na VII Liga de Inverneira. Ainda sumerxidos nun tren de borrascas, a situación para este domingo é de inestabilidade. O concello de Navia de Suarna será testigo dunha nova xornada de eltiempoentuojete, a que marca a metade da competición.
Desta vez temos apostas na temperatura máxima que van dende os 8 e os 14º C. Nas mínimas atopamos valores dende os 3 e os 8º C. A pluviosidade, de novo unha dor de cachola, oscila entre os 0 e os 5 litros. No refacho de vento vemos apostas dende os 13 e os 70 km/h., sendo un parámetro clave nesta xornada.
Sendo así temos por diante unha grande xornada en altura, con apostas que poden dar a vitoria a calqueira d@s meteoludópatas presentes en Ventosa. Non perdas esta etapa que se vai emitir ao vivo dende este enlace a partires da 01:00 horas desta madrugada.
Case que podemos dicir que choveu en tódala comunidade agás na terra de Lemos. Día de “piolla jorda” que non chegou a afectar á estación de Marroxo, ainda que a outra estación do concello, á que está no pobo, rexistrou 0.6 litros. As temperaturas quedaron altas para o lugar e o tempo e o refacho acadou os 55 km/h., nun momento puntual do día.
E de todo isto sae un gañador en soidade, cunha predicción raiando no sobresainte. Landrán acadou 58 puntos de ensoño, superando ó resto de competidores, á conta dun refacho illado e unha chuvia que non chegou ata preto das 02:00 da madrugada. Entra de cachola no Top-10 e únese á loita polo título. Noraboa pola fazaña!!!
No segundo paso do podio está Julio, que segue a recortar puntos co trio de cabeza e alonxándose do 5º clasificado, xa a 7 puntos. A tendencia á alza fai acender as alarmas dos primeir@s clasificad@s. Popolo tamén acada eses 57 puntos, entrando forte no Top-20 e prometendo mellores tempos.
Dende eses 57 puntos temos que baixar ata os 54 puntos para atopar a Verducido, que volta compartir o posto cabeceiro. Compoñente Sur e Modesto afianzan os postos no Top-20, zona á que se achega Ocandepavlov, remontando dende á poza do xurro. Xowi chega ata o 5º posto e tentará reducir o burato cos postos superiores.
Con 53 puntos atopamos 4 xinetes. Parte do Top-3, Botikas e Beocha manteñen posición, vendo como Julio ameaza ó podio. Balboa segue recuperando sensacións, mentras Jose Lopez busca o punto que o achegue a un Top-10 que perdeu non fai moito.
Na clasificación xeral podemos atisbar un baixón no rendemento dos ocupantes do podio, que somentes está a aproveitar Julio. O Top-10 estaba moi estático e iso fai que xente coma Landrán cheguen con forza dende a zona media. Agardamos que sexan máis @s intrépid@s que tenten loitar por un título que ainda non está decidido, nen moito menos.
Se queres examinar o acaecido na 12ª xornada da VII Liga da Inverneira, en Marroxo, pica no enlace abaixo exposto.
Despóis duha semana extremadamente húmida, ventosa e, por momentos xeada, atopámonos nunha situación intermedia, ou sexa, inestable. Agárdase un empeoramento progresivo durante o domingo e xa veremos cómo pode afectar ó desenrolo da xornada desta semana, localizada na comarca de Lemos.
Polo de pronto temos apostas na temperatura máxima que oscilan entre os 12 e os 16º C. As mínimas van dende os 7 e os 11º C. As cotas de pluviosidade son baixas, entre 1 e 5 litros, con duas “machadas” que medran ata os 10 litros. O refacho de vento, coma sempre moi variado, bascula dende os 14 ata os 61 km/h.
Desta maneira agardamos unha xornada moi competida, con chuvia pequena pero persistente, pouca oscilación térmica e vento medio. Pero entre o agardado e o sucedido han de pasar moitas cousas, que podes seguir a partires da 01:30 dende este enlace ao vivo.
