Tempo de matanza en A Fonsagrada, e os porquiñ@s de eltiempoentuojete foron ó banco da estación meteorolóxica de O Xipro. Situada no Aeródromo de Reboira, foi o vento, a maiores da chuvia, o que resolveu o podio final da xornada.

As temperaturas, na contra do normal, foron subindo dende a tardiña e acadaron os 7º C., onde nengunha aposta chegara. A chuvia, neve nas primeiras horas, caeu paseniño ó longo do día e rematou con 10 litros, na media das apostas. O vento tamén acadou o seu extremo no final do día, con 46 km/h. pouco antes das 24:00 horas.

Lukas levaba a vitoria cara as 23:00 horas, pero unha leve subida no vento, de somentes 1 km/h. fixo que Julio entrara na ecuación e a vitoria foi compartida. Grande eficacia en tódolos parámetros, non sendo a temperatura máxima, talón de Aquiles da maioría de meteoludópatas..

Por tras, con 55 pts., Kaltxón dende o pozo e Xowi, que amorea segundos postos e segue a trepar na xxeral. Compoñente Sur achégase o Top-20 con 54 puntos. Coa mesma puntuación, Michi e Punteiro afiánzanse nos dez mellores da xeral. Iru tamén saca a cachola do pozo, Landrán vaise achegando o Top-10 e Víbora ingresa neste coma peche.

Estos son os 10 mellores da xornada, os que fan butelo. O resto vai para chourizos. Destacar ó podio actual da clasificación xeral, quedando moi por baixo do agardado, e que ven coma os persecutores recortaron moito treito nesta etapa. Se quedan a durmir, podemos ter moita leria ainda.

Se queres revisar toda a carne que se picou neste día de matanza, pica no enlace embaixo exposto.

Saúde e sorte!!!

En O Xipro comezan as xornadas de montaña en eltiempoentuojete. A Fonsagrada inaugura esta xeira de etapas que nos levará ata finais de xaneiro. Ademáis temos a sorte de que o Atlántico segue a enviar borrascas, pero desta vez acompañadas das masas frías que baixan dende o norte, polo que preveemos unha xornada de alta calidade e moita emoción ata o remate do día.

Deste modo temos apostas en temperaturas máximas dende os 2 ata os 6º C. As mínimas, ainda máis apertadas, van dende -1 ata os 2º C. As apostas de chuvia están máis esparelladas, con valores entre os 7 ata os 19 litros, con picos baixos de 3 lts. e incluso un soicida que vai xogar sobre seco. No refacho de vento, hai un abismo entre os 10 e os 70 km/h.. Este parámetro tamén semella decisivo en O Xipro.

Realmente é unha xornada cuasi apocalíptica, que merece a pena seguir en direto. Podes facelo dende este enlace ao vivo a partires da 01:00 horas desta mesma madrugada.

As apostas:

Saúde e sorte!!!

Derradeira xornada das desputadas na zona da costa do país. A partires desta semana a liga meteorolóxica de eltiempoentuojete vai cara cotas máis altas onde pronosticar e para demostrar que os mellores han de ser xogadores todoterreo. Pero antes imos desglosar o acontecido en A Gándara, no concello coruñés de Vimianzo.

As temperaturas tiveron pouca amplitude térmica e a máxima acadou os 13º C. A mínima non baixou dos 9º C. A chuvia non fixo aparición e quedou espallada sobre todo pola provincia de Ourense. O refacho de vento chegou ata os 35 km/h., axustado ó tipo de xornada acontecida.

Deste modo sairon a parella de gañadores da xornada. Xowi mallou as temperaturas e perdeu un punto en cadanseu dos outros parámetros. Lume somentes perdeu un punto na temperatura e outro no vento. Xowi escada polo Top-10 e Lume semella vai saindo do pozo. Ambos suben ata o 3º e 4º posto na histórica de vitorias. Noraboa por todo iso…

Con 57 puntos, Balboa segue a recuperar o perdido en Ponte Caldelas e sitúase ás portas do Top-10. Con 56 están os dous líderes, Botikas e Verducido, que manteñen a posición. Tamén Punteiro, que chega ata o 5º posto, e Marius, Mina e Michi manteñen o Top-10 coa mesma puntuación. Con 55, Beocha ocupa a terceira praza, mentras Compoñente Sur e Ocandepavlov atopan de novo a regularidade. Nestes 12 mellores clasificad@s botamos en falta a Nanuq, Julio e Víbora, que retroceden, ainda que sexa no Top-10. Agardábase algo máis desta xentiña, pero queda tempo para demostrar a sua valía.

Se queres coñecer tódolos detalles deixados tras a xornada en A Gándara, pica no enlace abaixo exposto.

P.D. Agardamos que a non comparecencia de Juanito Caminante se deba a razóns de amnesia, resaca ou calqueira cousa que non sexa grave. Agardamos por tí…

Saúde e sorte!!!

A 10ª xornada da VII Liga da Inverneira inaugura a estación de A Gándara, no concello de Vimianzo. Ainda estando na Costa da Morte, non semella que traia moita “morte” para @s meteoludópatas de eltiempoentuojete. Ainda que se agarda algo de piolla, non será este ano onde ofreza a verdadeira faciana da Costa da Morte. Pero coma entrante non está mal…

As temperaturas máximas van moi parellas, con valores entre os 17 e os 13º C., con maioría de apostas en 14. Polo que respeta ás mínimas, van dende os 5 ata os 11º C. A maioría escolleu 9. As apostas de chuvia, bastante diversificadas, van dende os 0 ata os 4 litros, cunha punta en 18. No refacho de vento, atopamos apostas que van dende os 22 ata os 58 km/h., cun extremo mínimo de 9 km/h.

Polo tanto agardamos unha etapa con moitas posibilidades para calqueira, coa emoción da vitoria ata o derradeiro momento e que podes seguir ao vivo dende este enlace a partires das 02:00 horas desta madrugada.

As apostas:

P.D. Ainda agardamos por Mingos e Juanito Caminante. Están en tempo ata as 16:00 horas. Despóis, comezaremos a preocuparnos.

Saúde e sorte!!!