Damos por rematada a carencia de auga que acompañaba @s compoñentes da Liga meteorolóxica de eltiempoentuojete. 4 litros foron os recollidos na estación de Requena. A temperatura máxima superou todas as expectativas, a mínima estivo dentro do agardado e o refacho de vento voltou ser pouco máis que unha brisa.

Isto déixanos un gañador en soidade, cunha perda de somentes 3 puntos, que o coloca no Top-5, presentando candidatura á vitoria final. O cacique de Arzúa colle o mando da xeral e será compricado sacalo do cumio. Fora dos 16 mellores atopamos varios candidatos á xogar a fase final que terán que remar contracorrente se queren unha entrada na Ojete´s Cup.

Podes acceder ós datos recollidos en Requena no enlace embaixo exposto.

No tocante á OjeteQuake 2020, gañadora recurrente que vence por cercanía, cunha vitoria que a eleva ó cumio dos vencedores de etapa históricos. Alaska mantivo un quake máximo ata que Vanuatu decidiu ser protagonista do domingo. A xeral, moi apertada, nunha competición que permite grandes trocos xornada a xornada. O importante semella ser non quedar descolgad@.

Revisa o acaecido na 2ª xornada da III Liga OjeteQuake no botón embaixo estas letras.

Saúde e sorte!!!

eltiempoentuojete segue na busca da excelencia predictiva, desta vez na segunda quenda nas duas competicións en activo, o Torneo de Vran e a OjeteQuake 2020.

A 2ª xornada do Torneo de Vran en Perú Selva ten lugar en Requena, tamén no departamento de Loreto, no noreste do país. As apostas en temperatura máxima van dende os 27 ata os 34º C. As mínimas van dende os 21 ata os 23º C., cun pico mínimo de 19º C. As apostas en pluviosidade son máis moderadas que na pasada xornada e van dende 0 litros ata os 12. As prediccións de refacho de vento son baixas e oscilan entre os 9 e os 31 km/h. A xornada comeza cara ás 07:00 horas e podes seguila ao vivo dende eiquí.

A Liga OjeteQuake celebra a sua segunda xornada con acumulación de apostas no sureste asiático, sobre todo Indonesia e Filipinas, pero con grupos tamén en Xapón e na Fosa das Marianas. Podes atopar apostas dispersas no Mar do Caribe, no Golfo de Bengala, en Oriente Medio e na costa de Chile. A xornada comeza cara as 02:00 horas e podes vivila en directo dende este enlace.

As apostas:

Saúde e sorte!!!

A primeira xornada da VII Liga de Vran en Perú Selva déixanos facianas agachadas na maioría dos casos. Moita auga nas apostas, pero nengunha no día de autos. Temperaturas dentro agardado e un refacho ínfimo dan coma resultado a primeira clasificación xeral, con diferenzas amplas, pero coa sensación de poderse modificar con facilidade. Dúo de gañadores, resultado das apostas de chuvia á baixa, poden estar tranquilos polo momento, con moitas posibilidades de pasar á Ojete´s Cup nos 16 cabezas de serie.

Para acceder ós datos recollidos en Santa Clotilde e o seu impacto nas távoas, pica no enlace embaixo estas liñas.

No tocante á III OjeteQuake World Globe temos un gañador que estrea marcador na sua primeira vitoria sismolóxica. Con variada actividade na zona de centroamérica e no norte de Chile, foi finalmente o sismo rexistrado en Turquía, na confluencia do Metditerráneo co Egeo, o que rexistrou o maior do día, con 5.5 Mg.. O gañador quedou a “somentes” 4000 kms,, pero coa maioría de apostas no Anel de Fogo, foron os apostantes fora deste os que acadaron mellores puntuacións.

Para estudar o acontecido na III OjeteQuake, na sua primeira xornada, fai clic no botón abaixo exposto.

Saúde e sorte!!!

Xa temos en marcha a VII edición do Torneo de Vran, desta vez na selva do Perú. De igual maneira damos inicio á III Liga OjeteQuake, a liga de predicción de terremotos a nivel mundial.

Preto de 30 contendentes fouciñarán no lodo na busca da gloria. Semella que nesta ocasión non imos ter problemas para atopar a chuvia, e xa na xornada inaugural agardamos chuvascos en Santa Clotilde.

Un apuntamento. Para ver o que acontece na estación meteorolóxica, no mapa da SENAMHI desconecta as estacións non automáticas. Das que quedan, as etapas son as poucas que hai no interior de Perú. Catro no norte e unha na fronteira triple, cara o sur. Pica na estación e despois na pestana TABLA, onde atoparás os rexistros horarios dende fai unha semana. Abaixo están os derradeiros datos.

Por tanto, saudos agarimosos a tod@ aquel que tivo o coraxe de apostar en calqueira das competicións en activo. Agardando que a saúde esté contigo damos paso as primeiras apostas do vran 2020.

As apostas:

Saúde e sorte!!!