A xornada de Ponte Caldelas foi das que fan afición, ou incluso adicción. Desenrolóuse dentro do que predicía a maioría das axencias meteorolóxicas, misturando unha fronte húmida dende o atlántico e outra dende o norte que trouxo a friaxe.

Somentes 7 meteoludópatas acadaron os 50 puntos. Duas horas despóis do inicio da xornada a estación de Ponte Caldelas xa recollera 24 litros e rexistrara 47 km/h de refacho. Isto rematou coas esperanzas de Denodeno, M. B. Juaquín e Kaltxon. Cara as tres da tarde a chuvia acadou os 40 litros e o refacho chegara ata os 52 km/h. Mutombo, con boa marca en auga, perdía 7 puntos no refacho. Bar Pequeno quedaba sen puntos en auga. A partires dese punto, unha morea de líderes temporais e innumerables trocos nas posicións da clasificación xeral.

Mentras a auga recollida continuaba crecendo máis paseniño, o refacho estancábase facendo perder puntos ós refachos máis altos. A temperatura mínima desplomóuse ata os 7º C. O líder, Balboa perdía 3 puntos neste parámetro, mentras agardaba unha chuvia que lle aportara algún punto. Na mesma situación nerviosa estaban Iago, Ocandepvlov, Lume, Popolo e Xowi. Apenas puntuaron un par deles…

No final de xornada semellaba que Michi podería recuperar o liderato e gañar a etapa. Beocha roubaba o premio na derradeira media hora pero un litro final deu a vitoria o cacique oficial de eltiempoentuojete, Botikas. A Verducido faltóulle un litro para o doblete, pero quedou na 2ª praza da xornada e asume o liderato na xeral. Beocha na mesma praza e segunda na xeral a un só punto. Botikas trepa ata o terceiro posto compartido con Nanuq, que mantivo o nivel anterior. Michi resiste no 5º lugar e pecha un Top-5 que abre un burato de 8 puntos co grupo persecutor que comanda Julio acosado por Sarabia, Juanito Caminante, Aki, Víbora e Punteiro pechando o Top-10. Por tras poucas diferenzas entre xogador@s. Destaca Budainca con 50 puntos.

Ainda con moitos contrastes nas puntuacións, a clasificación xeral segue moi apertada, non sendo o espazo entre 5º e 6º posto. Nótase a chegada a postos de cabeza de aspirantes a título. Entre os vellos, Botikas deu un golpe de man. A Juanito Caminante vémolo maduro para dar un paso adiante. Víbora e Mina asoman a cachola tentando recuperar a senda da vitoria, mentras Beocha e Verducido xa están agardando. Entre os novos, Nanuq poderia dar sorpresas, Julio semella fiable e constante e Landrán seica atopou a cadencia necesaria. Entre lusco e fusco aparecen ilustres da mediocridade que denotan melloras. Entre eles Michi, Sarabia, Jose Lopez…

E como non podemos botar todo o día así, mellor que repases individualmente o acontecido en Ponte Caldelas, quinta cita da VII Liga da Inverneira en Galicia. Preme no botón de embaixo para acadar toda a información.

Saúde e sorte!!!

“Búscase meteoludópata amateur para praza no Olimpo Meteorolóxico de eltiempoentuojete. Requisitos: gañar unha etapa épica.”

Pensas que podes ocupar un posto de referencia no Olimpo?. Seguro que cando comezaches a xogar en eltiempoentuojete soñabas con gañar unha xornada coma a de Ponte Caldelas esta semana. Un lugar cunha grande relación coa chuvia pero que nas 6 edicións desputadas non rexistrou nada de chuvia. Pois semella que nesta edición imos ter unha borrasca profunda con frío, vento e chuvia. Pero… cánto de cada?. Iso é o que trataremos de averiguar a tropa de meteoludópatas, dentro dunha competición que pode trocar moito a partires desta xornada.

As apostas en temperatura máxima son moi parellas e oscilan entre os 12 e os 16º C. As mínimas, tamén semellantes, están entre os 6 e os 10º C. Polo que atingue á cantidade de chuvia, atopamos apostas dende os 2 litros ata os 80 que aporta o líder da Liga. No refacho de vento, apostas dispares que van dende os 17 ata os 85 km/h.

• As apostas recibidas despóis das 24:00 horas non levan penalización dado que chegaron antes da 01:00 e non teñen retrasos anteriores. Recorda que a próxima xornada será a derradeira con extensión de unha hora. A partires da 7ª xornada, tod@ aquel que aposte despóis das 24:00 horas será penalizado.

Xornada polo tanto das que fan afición, con grandes marxes nos parámetros, sobre todo na pluviosidade e no refacho de vento. Non podes deixar de seguila e eiquí tes un enlace á xornada ao vivo, que dará comezo cara as 02:00 horas desta madrugada.

As apostas:

Saúde e sorte!!!

A 4ª xornada da Liga da Inverneira, en A Armenteira, deixa poucos trocos na clasificación xeral á conta dunha xornada na liña do agardado e con carencia de auga e vento. O día foi solleiro e as temperaturas foron altas, tanto na mínima coma na máxima.

Con este panorama era compricado listar a un único gañador. Pero iso foi o que pasou. Breogán77 acadou a vitoria en soidade, deixando somentes 2 puntos na máxima e o refacho. Semella que xa deixou de celebrar a vitoria na Ojete’s Cup, pero segue afundido tras un mal comezo de competición. Noraboa polo marcador.

Con un punto menos tamén atopamos xente da retaguarda da xeral. Bar Pequeno e M. B. Juaquín estiveron preto da vitoria e comparten puntuación con xente da élite coma Juanito Caminante, Punteiro, Verducido e Nanuq, que ocupan praza no Top-10.

Boa xornada tamén para quen acadou 56 puntos. Beocha, Lume, Sarabia, Aki, Ocandepavlov, Landrán, Modesto, Marius e Kaltxon botaron o curriculum tentando trepar na xeral, cada cal no seu estrato.

Con 55 puntos atopamos a un grupo de aspirantes a máis, entre eles Michi, Botikas, Julio, Rasta76, Kalandrakas e Iru. Dalles para manterse, pouco máis…

Na cara oculta da xornada atopamos a Popolo e Mutombo, con uns míseros 51 puntos, baixando posicións. Ainda máis soterrados na xornada, os dous retrasados, Oscar e Denodeno, que farían boa xornada se non fora polo modorra amosada en Armenteira.

Na clasificación xeral poucos trocos podes atopar. Balboa continúa coma líder , seguido por Nanuq e Verducido a dous puntos. Puntuacións emparelladas conforman o Top-10. Michi e Beocha con 222, Punteiro e Lume 219, Botikas e Sarabia con 218 e Jose Lopez e Juanito Caminante con 217.

Se queres sumerxirte no acontecido na 4ª xornada da VII Liga da Inverneira, en A Armenteira, pica no botón de embaixo estas liñas.

• Non foi posible recuperar os datos do Histórico de Meteogalicia. Os datos están tomados das gráficas da estación de A Armenteira.

Saúde e sorte!!!

Benvid@s á 4ª xornada da VII Liga da Inverneira, a desputar en A Armenteira baixo a influenza dun anticiclón e unha borrasca que non pensa lamber a costa sur de Galicia. Agárdase un día solleiro e con vento baixo, pero iso non sempre acontece así. Para iso estamos nós, para perfecionar os oráculos das axencias profesionais.

Neste día contamos con máximas en temperatura que oscilan entre os 17 e os 22º C. As mínimas, un pouco máis amplias, van dende os 7 ata os 13º C. Na pluviosidade somentes reflexamos un litro nun apostante, pero que sería decisivo dada a igualdade das apostas. O refacho de vento céntrase entre os 11 e os 45 KM/h.

Moi apertada a xornada, con apostas semellantes, o que lle dará emoción ata o derradeiro segundo. Podes seguir a xornada ao vivo dende eiquí.

As apostas:

Saúde e sorte!!!