A xornada do fin de semana despútase na que está adxetivada coma “raíña“. Unha de tantas, pois a Liga da Inverneira está chea delas, pero esta pode considerarse a raíña da provincia de Ourense. O escenario é unha estación de esquí, con máis de 1700 m. de altitude e xogando na metade de xaneiro. Semella unha xornada a ter en conta, sobre todo porque nos achegamos cada vez máis o tramo final da competición.

As apostas traen moitas diferenzas no que se agarda para Cabeza de Manzaneda. As temperaturas máximas andan entre os 9 e os -2º C., con un pico en 13º. As mínimas estan establecidas entre os -1 e os -10, cun pico de 1º positivo. As apostas de pluviosidade oscilan entre os 0 e os 3 litros, pero con maioría de seca. Os refachos de vento podes atopalos dende os 11 ata os 142 km/h!!!. No medio podes atopar todo tipo de rexistros.

Desta maneira temos por diante unha etapa de alto nivel e con condicións extremas. Podes seguir a xornada ao vivo dende este enlace, ou dende o acceso rápido do menú principal.

Dato: O anemómetro traballa cando lle peta, coma sempre que nos achegamos á data de celebración da xornada. Agardamos non ter problemas, pero dependerá de Meteogalicia e as suas estacións que a xornada acade todos os parámetros necesarios para o completo desenrolo do xogo de eltiempoentuojete. Estaremos vixiantes….

As apostas:

Sorte e clima!!!

Saudos, meteoludópatas.

Temos duas novidades no día de hoxe. Por unha parte xa contamos coa Crítica-crónica da pasada xornada de Ancares. Realizada por Xowi, podes atopala clicando na foto inferior..

Por outra banda presentamos algunhas estadísticas do outono no artigo “Galicia recupera o outono en 2019”, coa comparativa con anos anteriores feita en base a estadísticas de Meteogalicia, por Verducido. Para acceder, preme na foto de embaixo.

Continuamos pendentes do estado da estación da xornada en curso, con erros no funcionamento da anemómetro. Estade atentos a calqueira aviso por troco ou outras decisións.

Saude e sorte!!!

Despóis dun comezo de Liga da Inverneira pasado por auga, o inverno veu acompañado polo anticiclón, instalado en Galicia a partires do Nadal. Os resultados da xornada de Ancares deixaron de trocar cara o mediodía. Pola tardiña entrou unha pequena borrasca, que non deixou precipitación pero fixo que as temperaturas ficaran mornas ata o final da etapa.

E cando todo apuntaba a unha vitoria compartillada entre vari@s participantes, emerxeu unha figura que, con moi boa nota, levou os loureiros de Ancares en soidade, coma nos grandes portos do ciclismo. Ademáis, pódense observar pequenos trocos na xeral, pero que poden ser importantes.

E mentras agardamos unha das xornadas raíña da VI Liga da Inverneira, a de Cabeza de Manzaneda, animamos ó persoal a indagar nos datos da 16ª etapa, en Ancares, que podes acadar premendo o botón embaixo exposto.

Sorte e clima!!!

A tribu de eltiempoentuojete segue o seu periplo polos cumios da comunidade, coma faría a Santa Compaña, rondando camiños, veigas e casas parroquiais. Desta vez, a cuna da 16ª xornada da Liga da Inverneira está en Ancares, na liña que separa a galegos e leoneses.

A xornada chega aparentemente sen auga, pero ainda así, as apostas pronostican diferenzas nos marcadores.

As temperaturas máximas non teñen criterio común e establecense entre os 12 e os 3º C. Na mínimas atopamos algo máis de acordo, con apostas entre 3 e -2º C. Ninguén botou un só litro de auga e os refachos de vento están situados entre 5 e 67 Km/h. Moito camiño entre ámbalas apostas.

Desta maneira agardamos unha xornada de inverno no concello de Cervantes, con moitas posibilidades de emoción e que podes seguir dende este enlace.

As apostas:

Saudos e sorte!!!