Fíxose de rogar a axencia americana NOAA á hora de publicar os datos finais da 2ª xornada do Torneo de Vran en Alaska. Finalmente témolos no noso poder…

A xornada foi o que se agardaba, unha sucesión de chuvia pequena que foi enchendo o pluviómetro da estación meteorolóxica de Yakutat. As temperaturas non mudaron de 9º C., que foi a mínima do día, ata a sobremesa, cando acadaron os 12º C. definitivos para a máxima. A cantidade final de chuvia recollida ascende a 29 litros, algo menos que o que arroxaban as contas de valores minutais. O refacho de vento nesa táboa amosaba 28 km/h., que foi modificada na lectura definitiva ata os 31 km/h.

Somentes 8 participantes superaron os 50 puntos, pero ainda máis xogador@s non chegaron nin ós 40 puntos, entre eles varias vacas sagradas con moita competición ás súas costas.

A vitoria foi compartida entre Nanuq, que colle o mando da clasificación xeral, e Kalandrakas, que cos puntos acadados entra no Top-16 a pesares da penalización na xornada inaugural. 54 puntos foron os conseguidos polos gañadores. Con 53 puntos entra Punteiro no Top-5, con boas marcas nos tres parámetros. Víbora aporta 51 puntos no casilleiro e colle o terceiro paso do podio. Ocandepavlov tamén entra no Top-5 por mor dos 51 puntos recollidos. Con 50 puntos, Zalamera, Botikas e Lukas tamén collen lugar no Top-10, con Botikas no segundo posto. Aki, con 48 puntos e Oscar e Sarabia con 47, pechan os 11 mellores en Yakutat.

Na xeral, o podio está ocupado por Nanuq, Botikas e Víbora, nesta orde. Na parte final dos que acceden á Ojete’s Cup, en perigo, están Breogán77, Oscar e Kalandrakas, se ben estes dous últimos acaban de arribar ás posicións de compromiso.

Se queres coñecer tódolos detalles do acontecido na 2ª etapa do Torneo de Vran, desputada en Yakutat, pica no enlace embaixo exposto.

Na OjeteQuake, tivemos unha xornada de perfil baixo, cunha magnitude máxima de 5,3 Mg. O sismo, localizado en Alaska, podería afundir a algúns apostantes, pero tivo lugar no oeste das Illas Aleuterianas, máis preto do Xapón e da maioría de apostas. Sarabia obtivo a mellor localización da xornada, acadando 490 puntos, a unha decena do pleno. Por tras, Verducido con 458 pts. na mesma zona pero moi por riba na magnitude. Zalamera con 452, dende Xapón, acada o terceiro posto.

Para acceder atódolos datos da 14ª etapa da OjeteQuake, preme no botón embaixo estas liñas.

Saúde e sorte!!!

Albíscanse nubes no horizonte. Semella que a segunda xornada do Torneo de Vran en Alaska vai poñer a proba todo o coñecimento adquirido durante anos en eltiempoentuojete. Incluso a sorte deberá estar da túa parte para poder levar unha vitoria que decidirá moito o desenrolo da competición. Incluso pode ser decisiva para a selección dos 16 mellores que acudirán á Ojete’s Cup. Pero non vendámolo peixe antes de arribar o barco. Para este domingo temos unha grande variedade de apostas que, de calqueira modo, vai axitar a clasificación xeral coma un olivo en xaneiro.

Desta maneira temos unha xornada apocalíptica, que merece a pena ser seguida ao vivo dende este enlace. Será a partires da mañanciña do domingo, por mor das 10 horas de diferenza horaria.

As apostas en temperatura máxima van dende os 11 ata os 13º C. As mínimas, entre os 8 e os 13º C. Todo moi apertado nestes parámetros. Nada que ver cos valores recibidos para a pluviosidade. A aposta menor é de 1 solitario litro, mentras que o valor máximo acada os 66 litros. Polo medio, distintas cantidades de chuvia que promete ser o parámetro a seguir. Pero tampouco defraudan as apostas en refacho de vento, con cifras entre os 20 e os 61 km/h.

Polo que atingue á OjeteQuake, A maioría das apostas seguen a estar concentradas no Anel de Fogo, con máxima concentración entre o norte de Xapón e Papua. Fora desta zona atopamos apostas no Golfo de Bengala, no Mar Caspio, en Alaska, California e norte de Chile. Todo isto despois do sismo de 6 Mg. que sacudiu a fronteira entre California e Nevada. Se queres casar en Las Vegas cun Elvis afeccionado, vai pedindo cita…

Podes seguir esta xornada sísmica neste enlace ao vivo dende as 02:00 horas desta madrugada.

• E recordamos que @s non presentad@s ainda poden achegar as súas apostas ata as 16:00 horas. No caso de erro en coordenadas, podes avisar dos trocos no sigo positivo ou negativo antes das 20:00 horas de hoxe. Agardamos, pero temos límites.

As apostas:

Saúde e sorte!!!

Xa dispoñemos dos resultados da 1ª xornada do VIII Torneo de Vran en Alaska. eltiempoentuojete grelou nas illas Aleutianas no día da festa dos barrotes e as estrelas, dando comezo a unha carreira non armamentística. Pero o clima é unha arma de destrucción masiva máis poderosa que as convencionais.

A madrugada foi morna, con temperaturas inmóviles e que deixou unha temperatura mínima de 8º C. O calor medrou no mediodía e na sobremesa acadaba os 14º C., por riba da maioría das apostas. Nese momento a chuvia non chegaba a completar o litro e o refacho de vento marcaba 50 km/h. Pero estes parámetros trocaron coa chegada da noitiña, cando se superou o litro, que xa foi definitivo, xunto cun incremento no vento que no final da xornada asinaba 69 km/h., moi por riba das prediccións d@s meteoludópatas.

Os resultados finais amosan dous vencedores ó unísono con 54 puntos. Botikas e Compoñente Sur toman o mando da clasificación xeral, nunha posición envidiable para acceder ós 16 postos que dan acceso á Ojete’s Cup. Jose Lopez accede ó terceiro paso do podio en soidade con 53 puntos. A continuación tres aspirantes con 52 puntos. Xowi, Aki e Beocha presentan as súas cartas, ben colocad@s. Víbora e Lukas de seguido con 51 puntos. Dende este 9º posto ata o 16 comparten valor de 50 puntos. Breogán77, Balboa, Sarabia, Michi, Ocandepavlov, Verducido, Iago e Nanuq completan os 16 lugares con aceso á Ojete’s Cup. Poucas diferencias atopamos no resto dos competidores, ainda con moitas posibilidades de remontar, dadas a mínima disparidade nos marcadores.

Para acceder a tódalos detalles do acontecido na 1º etapa en Alaska, preme no botón de enlace embaixo exposto.

Na OjeteQuake 2021, os sismos seguen a escapar dos sismoludópatas de eltiempoentuojete. De novo o sismo de referencia deixou @s apostantes por baixo dos 400 puntos. Localizado en Atacama, Chile e cunha magnitude de 6 Mg. o sismo, coma o “gordo de nadal”, saíu cedo, xa na primeira hora da etapa. Terremotos nos lugares habituais non poideron superar a marca chilena. O participante con aposta máis preto do epicentro foi Landrán, que acada a súa 2ª vitoria neste 2021 e tamén no histórico. As penalizacións fan que ocupe un posto baixo na clasificación xeral. Ésta segue co dominio de Víbora, que sobrevivíu esta xornada cunha baixa pountuación e cos “lobos” pisándolle o calcañar. Mina e Jose Lopez son os “lobos” que completan o podio. Breogán77, Rasta76, Balboa, Xowi, Lukas, Popolo e Iru, nesta orde, conforman o Top-10 na competición sísmica.

Se queres comprobar o sucedido na 13ª etapa da OjeteQuake 2021, clica no botón exposto baixo estas letras.

Saúde e clima!!!