A 4ª xornada do Torneo de Vran en Alaska quedou sen marcas de auga a pesares das prediccións das axencias e d@s nos@s apostantes. As temperaturas estiveron dentro do rango apostado ainda que as mínimas foron baixas. Sen chuvia suficiente para encher unha litrona, o vento subíu a súa intensidade na prórroga, no axuste final de parámetros, acadando os 27 km/h.

Daquela atopamos dous gañadores ó unísono con 56 puntos. Oscar mantén e incluso mellora a súa clasificación dentro do Top-16, cunha marxe de 6 puntos sobre o precipicio. Bar Pequeno anota unha vitoria no taboleiro de vitorias de etapa e pouco máis, tendo unha xornada de incomparecencia que impedirá a clasificación para a Ojete’s Cup.

Xowi e Zalamera achegan 55 puntos no marcador e conservan as posicións de privilexio no Top-16. Iago e Michi, coa mesma puntuación, presionan na antesala dos postos de inmunidade. O regulamento fai que Iago entre no Top, sacando pola mínima a Julio do empate polo derradeiro lugar. Tamén con 55 puntos, Modesto e Landrán agardarán en segunda fila o faio dos seus predecesores combinado cunha derradeira xornada maxistral para poder coller sitio na Ojete’s Cup.

O Top-16 segue a ser o mesmo da semana pasada, coa única diferenza de Iago dentro e Julio fora. Toda unha manda de lobos persecutores agarda ao rececho, un faio de calqueira dos seus superiores, o que fará da derradeira xornada en Juneau unha loita a vida ou morte por un posto na Ojete’s Cup.

Para coñecer todo o sucedido na 4ª xornada do Torneo de Vran en Alaska, preme no botón embaixo exposto.

A OjeteQuake viviu unha estrana xornada cun terremoto máximo de 5,8 Mg. con epicentro nas Illas Kermadec, zona xa moi repetida nos terremotos máximos de esta edición. Pois esta semana esa parte do Océano Pacífico estaba baleira de apostas. A vitoria foi para Zalamera, cunha aposta nun lugar indeterminado do Océano Pacífico. 459 puntos que non a sacan do pozo da xeral, pero que inaugura a sua casiña de vitorias no contador sísmico. Por tras, con 441, Beocha colle o posto 10 da clasificación. Jose Lopez e Balboa engaden 436 puntos. Jose Lopez toma un liderato que non soltaba Víbora dende moitas xornadas atrás. Balboa chega ata a 4ª praza e ameaza o podio que segue a manter Mina.

Se queres coñecer tódolos detalles acaecidos na 16ª xornada da OjeteQuake 2021, pica no enlace abaixo estas letras.

Saúde e sorte!!!

Penúltima das xornadas programadas para o Torneo de Vran en Alaska e ainda non está nada decidido de maneira definitiva. A desputar en Ketchikan, as predicción volven ser de tempo inestable e posibilidade de chuvia miúda. O resto dos parámetros seguen a liña indicada por xornadas pasadas, con vento frouxo e pouca amplitude térmica.

Con este panorama temos, no que respecta as posturas de temperatura máxima, valores entre os 14 e os 17º C. As mínimas amosan apostas entre os 10 e os 13º C. Os valores para a pluviosidade van dende 0 ata 9 litros, sendo un dos parámetros máis abertos. Nos refachos de vento, as estimacións comprenden dende os 13 e os 41 km/h.

Xornada de moita emoción e probablemente inestable, co reto de acadar posto clasificatorio e que podes seguir ao vivo dende este enlace a partires das 10:00 horas da mañanciña do domingo.

Polo que atingue á OjeteQuake, o groso das apostas segue a emplazarse no oeste do Océano Pacífico. Fora desta zona atopamos apostas na cara oeste de todo o continente americano e, a maiores, unha aposta sospeitosa preto de San Petersburgo.

• Recordamos que debes comprobar o mapa de apostas para certificar a túa posición e, no caso de erro, trocaremos o signo positivo ou negativo da túa aposta, no caso de ser necesario, avisando antes das 20:00 horas desta tarde cun email o noso enderezo electrónico eltiempoentuojete@gmail.com

Podes seguir a xornada ao vivo dende este enlace a partires das 02:00 horas desta madrugada.

As apostas:

Saúde e sorte!!!

Temos que irnos acostumbrando a recibir os resultados meteorolóxicos da xornada. Non serán visibles ata máis aló das 15:00 horas do luns, polo que estamos a ver.

A xornada deixou unha temperatura mínima que ninguén esperaba. Quedou fixada nos 14º C. nos que se iniciou a xornada. A temperatura máxima acadou os 17º C. xa na tardiña. No que respecta a pluviosidade, todo o día rexistróse a marca de “Little rain” ou chuvia miúda, pero no pluviómetro somentes se recolleu pouco máis de 1 litro. O refacho tamén estivo por baixo da maioría das apostas recibidas, deixando unha marca de 14 km/h.

Desta maneira obtivemos un gañador en soidade con 58 puntos. Michi foi o participante con mellor rexistro, que o coloca a somentes 2 puntos do corte dos 16 escollidos para participar da Ojete’s Cup. Xowi entra segundo, con 57 puntos e obtén a 7ª praza momentánea. 57 tamén aporta Botikas para manter o segundo chanzo do podia, empatado no liderato. Nanuq conserva o posto de honor, a costa dos 56 puntos en Sitka. Jose Lopez achega 55 puntos na xornada para manterse no Top-10 da xeral. Con 54 puntos, Víbora, Lukas, Aki, Breogán77, Popolo e Compoñente Sur están situados na zona de confort, mantendo as posibilidades para a Ojete’s Cup. Verducido tamén ten 54 puntos, pero sitúase a 5 puntos do corte.

Nanuq e Botikas manteñen o liderato na xeral, cun burato de 4 puntos sobre Víbora e 6 sobre Lukas. Xowi, Jose Lopez e Aki están igualados dentro do Top-8 que pecha Ocandepavlov. 3 puntos por tras, Zalamera e Sarabia clausuran o Top-10. Breogán77, Beocha, Oscar, Kaltxon, Popolo e Compoñente Sur teñen praza oficiosa para a Ojete’s Cup. Este último empatado a puntos con Julio, coas vitoria do lado de Compoñente Sur.

Para coñecer tódolos detalles do acaecido na 3ª etapa do Torneo de Vran en Alaska, pica no enlace baixo estas verbas.

Polo que atingue á OjeteQuake 2021, seguimos a sacar o “gordo” moi cedo. Desta volta, apenas pasaba media hora do comezo da xornada cando un tremor de 5,4 Mg. sentíase ao norte da illa de Tonga, no sudoeste do Océano Pacífico. Ainda que se rexistraron grande cantidade de tremores con magnitude 5 ou superior, ningún superou ó de Tonga. Incluso tivemos un sismo de igual intensidade, localizado en Irán, pero descartóuse debido á distancia con algún participante, segundo o que recolle a Regulamentación Sísmica.

Botikas erixíuse coma gañador único cunha puntuación de 479 puntos, na que a localización foi excelente, con somentes 3 puntos de perda nas coordenadas. A magnitude recolleu o resto de perda de puntos. Na mesma zona atopábase Compoñente Sur, que apañou 467 puntos. Miúda foi a cantidade de apostantes por riba dos 400 puntos, apenas 12 privilexiad@s.

Pouco se moveu a xeral sísmica nesta xornada, pero atopamos pequenos trocos. Podes comprobalo por ti mesmo premendo o botón que atoparás embaixo este texto.

Saúde e sorte!!!

Segue o seu curso o VIII Torneo de Vran, desta vez en Alaska, e seguen a buscar o seu espazo @s meteoludópatas de eltiempoentuojete. De novo a xornada pode deixar precipitacións, polo que a xeral pode mudar e modificar a actual orde establecida na táboa. Ademáis, atopamos ausencias e penalizacións incluso dentro do Top-16. Poderá alguén aproveitar esta situación?

As apostas en temperatura máxima oscilan entre os 13 e os 18º C. As mínimas, máis parellas, van dende os 10 ata os 13º C. As apostas en pluviosidade arrincan en vacío, 0 litros ata unha cota superior de 8 litros. Nos refachos de vento, as apostas encádranse entre os 12 e os 35 km/h., cunha apostas punta de 48 km/h.

Moita igualdade pero con marxe suficiente para axitar a clasificación xeral e, máis en profundidade, o Top-16 que determina a participación na Ojete’s Cup 2021. Non perdas a oportunidade de seguila ao vivo dende este enlace, a partires da mañanciña do domingo.

Na OjeteQuake World Globe 2021, a zona occidental do Anel de Fogo segue a ser o destino principal dos sismoludópatas. Dende o norte de Xapón ata Papua atopamos o groso das apostas. Fora desa ubicación atopamos apostas varias na costa sudamericana, na costa de Estados Unidos, en Kirguistán, no surleste de China, norleste de Rusia, Alaska, Fiji e no mar ao sur de Sudáfrica.

Recorda que podes modificar o signo positivo-negativo da tua aposta no caso de non estar no lugar axeitado. Nese caso, envía un mail o noso enderezo electrónico eltiempoentuojete@gmail.com antes das 20:00 horas deste sábado.

Podes seguir a xornada sísmica ao vivo dende este enlace a partires das 02:00 horas desta mesma madrugada.

As apostas:

Saúde e sorte!!!