Espectacular estrea da estación de Calvos, en Calvos de Randín, Ourense. A suplente de Cabeza de Manzaneda viña de dar as temperaturas mínimas no nosos país e non defraudou. Voltou repetir a mínima en Galicia con -8,2º C. e ademáis batíu o record da Liga da Inverneira e igualando o rexistro de Perisher Valley, en Australia. E non se fixo agardar, pois a primeira medición do domingo foi precisamente -8º C. Semella que as nubes non fixeron aparición na noite de Calvos. Por certo, Meteogalicia sinala este parámetro coma código 2, isto é, “sospeitoso“. E tampouco houbo nubes no mediodía, cando a máxima temperatura acadou os 13º C. Da chuvia, sen noticias. O vento foi frouxo na noite para permitir a xeada e medio-baixo no mediodía, cando o anemómetro sen calefactor chegou ata os 20 km/h.

Con isto, a vitoria levouna en soidade Verducido, por mor da mellor puntuación nas temperaturas, con 18 pts. Superou por tres puntos a Botikas, acadando a primeira praza da xeral e unha vitoria importante cara a xeral. Non gañaba unha xornada dende xullo do ano pasado.

Un punto por tras chegaron Marius con 56, que sube do 9º posto ata o 6º e ameazando ó 5º. E Vívora, agora colocado a un só punto do Top-10.

Con 55 pts entrou Kaltxón, coa mínima temperatura apostada, e ascende dende o lugar 21 ata o 16.

Catro ocupantes do top-10 engaden 54 puntos á sua conta. O ex-líder Botikas e Beocha, medallas de prata e bronce provisionais mantiveron o tipo e amplían nun punto a diferenza cos aspirantes a podio. Punteiro, 5º e Mina, 10ª, manteñen a posición da xornada pasada.

Tamén entre a élite, Julio suma 53 puntos na 4ª praza e Modesto 52, na 6º, tentando dar unha sorpresa que non sería tanta sorpresa.

Estos son os 10 contendentes principais na xornada de Calvos, 17ª da Liga da Inverneira. Na cara oposta atopamos a Landrán, retrasado e con mala aposta retrocede dende unha posición da que deron rápida conta os seus compañeir@s de grupete. Tamén retrasado, pero ben apostado, M. B. Juaquín. Os 14 meses que tardou en parir deixóuno con secuelas que tenta redimir. Balboa perdeu tódolos puntos na temperatura mínima e perde forza na sua traxectoria irregular. Popolo e Iru faiaron tanto na máxima coma na mínima, sen acadar 10 puntos en xeral.

Se queres máis información, saca as tuas conclusións directamente dos datos recollidos en Calvos. Accede picando no botón embaixo estras letras.

Inédita a xornada desta semana na Liga da Inverneira. Calvos é a estación meteorolóxica de Calvos de Randín, onde as temperaturas mínimas mexan “cubitos” por riba de lugares coma Manzaneda ou Lardeira. Semella que o episodio de friaxe rematou, pero iso xa se falou para este xoves, ainda que onte mesmo acadou os -11º C. Todo vai depender de se o ceo estará anubrado ou non. De estar nubrado, as mínimas poderían quedar en valores “normais”, pero se queda despexado e sen vento, a xiada será terrible.

Nas apostas atopamos por igual partidarios do nubrado e da xeada. As temperaturas máximas van dende os 6 ata os 15º C. Tamén as mínimas teñen moita amplitude, con valores que van dende os 3 ata os -7º C. As apostas en pluviosidade están baleiras, non sendo por unha aposta “cun par…” de litros. As predicións de refacho de vento son baixas con valores concentrados entre os 12 e os 30 km/h. agás unha aposta de 36 e incluso un 68, case triplicando a media xeral.

Daquela temos por diante unha xornada a explorar, sen referencias pasadas, con apostas moi variadas e incluso a ameaza de pleno ronda o domingo. Supostamente o refacho acadará o seu máximo cando a temperatura máxima desconxele o anemómetro. As mínimas podense dar tanto de madrugada coma na tardiña do domingo. Podes seguir a xornada ao vivo dende este enlace a partires da 01:30 desta mesma madrugada.

As apostas:

Saúde e sorte!!!

Dende eltiempoentuojete comunicamos o troco de estación meteorolóxica na xornada 17 da Liga da Inverneira.

A estación de Cabeza de Manzaneda ten o anemómetro xeado dende mediados de decembro. Coma outros anos nesta época. Estamos a pensar en facer un “bote” para anexar un calefactor ó anemómetro, porque seica a estación non está preparada para un tempo tan frío. E semella que imos ter problemas ata que troquen a estación de xoguete que teñen en Manzaneda por unha profesional que resista o clima dunha estación de esquí.

Tentamos engadir unha estación meteorolóxica na contorna de Manzaneda, pero despois dunha revisión, semella que todas as estacións de Meteogalicia no oriente ourensán teñen problemas co anemómetro ou incluso con todos os aparellos. Probamos entón no interior da provincia de Lugo, pero os problemas repetíanse.

O final, despois de escoitar o nome case a diario no Galicia Noticias, optamos por escoller a estación de Calvos, en Calvos de Randín. Sónavos? Adoita ter a temperatura mínima menor en toda Galicia. Incluso recomendóuse coma lugar estratéxico para o almacenamento da vacuna para o COVID-19.

Xa podes atopar a xornada nos enlaces do menú e estamos traballando para que tamén podas acceder dende o Calendario. Se notas que algún enlace ainda apunta a Cabeza de Manzaneda, non dubides en facérnolo saber no noso enderezo electrónico eltiempoentuojete@gmail.com

Sentimos moito o retraso, pero as suplentes que gardabamos foron caindo na rede da friaxe extrema e tivemos que loitar para atopar unha estación en condicións de xogo. Así mesmo, non podemos saber se a estación de Calvos vaise estragar nos próximos días. Nese caso debemos clarificar este tema no Regulamento.

Repetimos as desculpas e ameazamos con represalias varias a Meteogalicia por non manter os aparellos no estado que deberían. Eiquí deixamos o enlace a Calvos.

Saudos e sorte!!!

Grande a xornada desputada este domingo na estación dos Ancares, con gañador en soidade a máis de 1300 m. de altitude.

O anticiclón agardado fíxose de rogar e non tomou posesión ata despóis de xantar. Mentras, os cúmulos rezagados de Filomena deixaban máis de litro e medio de precipitación, redondeando a 2 litros ó final do día. A temperatura mínima comezou a xornada con -4º C. e chegou a baixar ata os -5 xa na tardiña. A máxima presentóuse ás 14:20 h., chegando a uns -2º C. lambidos. O refacho máximo de vento rexistróse de madrugada acadando os 90 km/h., ainda que apenas baixou dos 50 antes do remate da etapa.

Moit@s líderes temporais deixaron paso á tiranía de Julio, que ainda que compartíu vitoria en varias ocasións, a baixada final das temperaturas apartou contrincantes e fixo cumio en soidade con 56 pts. Segunda vitoria nesta edición da Liga da Inverneira, asentando o cuarto posto e limando diferenzas cos inquilin@s do podio. Noraboa!!

Con 55 pts. entrou Beocha, que perde somentes un punto con Julio e mantén a terceira praza, roubando un punto ós escapados. O novato Modesto segue a sua progresión e supera a Marius e Balboa e, na practica, a Xowi por cantidade de vitorias. Chega o 6º lugar e xa ameaza a Punteiro no 5º.

54 puntos acadaron os dous primeiros provisionais, Botikas e Verducido. Seguen a marcha sen complicación e, de momento, somentes miran o un para o outro. Víbora, coa mesma puntuación, acertou cando predicíu maior refacho dos apostados. Empata con Michi ás portas do Top-10. Nanuq quebra una racha pouco afortunada e sitúase no grupo que persigue os postos de honra.

Con 53 puntos está Punteiro, mantendo a 5ª praza e Mina, que acada a 10ª. Aki colócase no posto 15.

Destacan nesta xornada o gañador, Julio e o novato Modesto, sangue nova despuntando nos altares da competición. O trio de cabeza non baixa a garda e mantén altas puntuacións. Duas vacas sagradas, Mina e Víbora asoman a cacheira ó Top-10.

Defraudan nesta etapa Landrán e Michi, expulsados dos dez mellores. Dentro do Top-10, Xowi, Balboa e Marius perden unha grande oportunidade e algunha posición, ainda que seguen ben situados. Labazada nos fuciños para tod@s aquel@s que pronosticaron menos de 60 km/h. de refacho de vento. Xa vos vexo, sendeiristas inexpertos na ventisca de Ancares. Carne para o lobo…

Se queres profundizar no acontecido na 16ª xornada da VII Liga da Inverneira, no concello de Cervantes, pica no botón embaixo estas liñas.

Saúde e sorte!!!