Xornada definitiva nas duas derradeiras competicións en activo de eltiempoentuojete na tempada 2019/20. Este domingo, xornada final na Ojete’s Cup en Belize e tamén na Liga dos Terremotos, a OjeteQuake 2020.

Os dous mellores xogadores da Ojete’s Cup mídense en Punta Gorda para gañar a supremacía meteorolóxica. Son os xogadores con menor aposta en auga dos 16 en liza. Pero nesta ocasión Oscar notou a humidade caribeña, mentras Breogán77 seguíu o camiño das derradeiras etapas e escora a predición ata o 0 absoluto. O tempo dará a razón a un deles. Comparten a cifra en refacho e pequenas diferenzas na temperatura.

Compoñente Sur e Jose Lopez andan na procura da medalla de bronce. As apostas son moi semellantes e so os separan 1 litro de auga e 6 km/h no refacho.

Moi apertada tamén a loita pola 5ª praza entre Michi e Marius. Apostas máis cativas no caso de Marius.

Beocha marca 1 litro e 6 km/h en refacho por riba de Bar Pequeno. Na temperatura, todo mallado.

Sí atopamos diferenzas entre Verducido e Botikas, xa na cara B do cadro. A auga será o xuiz para acadar a 9ª praza.

Julio e Xowi apenas difiren na temperatura máxima, co resto dos parámetros moi semellantes.

As discrepancias na auga marcan o enfrontamento entre Lukas e Víbora.

Alucarda e Iago xogan o orgullo de non perder tódolos encontros. Pequenas diverxencias en tódolos parámetros.

Xornada con moito onde fixar a vista e que podes seguir ao vivo dende este enlace.

Pola banda da OjeteQuake 2020, a maioría das predicións apuntan ó Anel de Fogo, con apostas en Xapón, Indonesia, Papua, Fiji e Nova Zelanda. Na cara americana, Alaska, México, Perú e Jamaica. Fora do Anel, tres apostas no sur do continete africano e unha aposta máxica no sur de Galicia, cunha intensidade que pode quitar o sono a moit@s.

Podes seguir a xornada quake ao vivo dende este enlace.

As apostas:

Saúde e sorte!!!

A chuvia voltou ser a protagonista indireta da penúltima rolda da Ojete’s Cup 2020 en Belice. Comezamos a dubidar do rendemento das leiras de cana de azucre…

A semifinal entre Oscar e Compoñente Sur dicidíuse pola mínima, a conta do litro de diferenza nas suas apostas. Segunda final para Oscar, mentras Compoñente Sur buscará a medalla de bronce.

A mesma posición pola que loitará Jose Lopez, quen, tamén pola auga perdeu a eliminatoria co “negacionista” da auga Breogán77. Xogará a sua primeira final do torneo do K.O.

A auga tamén decidiu o enfrontamento entre Michi e Bar Pequeno, que xogará pola 7ª praza. Michi ten unha cita co 5º posto.

A esa loita presentarase Marius, que acadou a mellor puntuación da 3ª rolda. Beocha tentará a vitoria pola 7ª praza.

Na cara B do cadro Botikas derrotou a Xowi á conta da cantidade de chuvia e competirá pola 9ª praza con Verducido, que gañou a Julio polo mesmo parámetro. Éste medirase a Xowi polo 11º lugar da távoa.

Víbora superou a Alucarda e Lukas a Iago. Xogarán entre eles polo 13º lugar, unha vez acadada unha vitoria. Por lograr esa vitoria e non perder tódalas roldas xogarán Alucarda e Iago. Ninguén quixera estar no seu lugar…

Se queres ver por tí mesmo os datos recollidos en Belmopán, fai clic no botón de embaixo.

Na OjeteQuake 2020 todo se vai decidir na derradeira xornada. O maior quake do día foi na illa de Kokopo, en Papua Nueva Guinea, cunha magnitude de 5,5. O apostante máis preto do sismo foi Víbora, que acada a sua primeira vitoria nesta edición, ainda que pode que non lle chegue para lotar polo título a semana seguinte, Nesta loita están os 5 primeiros, con apenas 100 puntos de marxe. O gañador tamén podería estar entre os 9 mellores, pero terían que atopar unha localización illada. Lukas recupera o liderato e está en disposición de acadar o título, ainda cunha penalización por tempo na 7ª xornada.

Para acceder a tódolos datos recollidos na 9ª etapa da OjeteQuake 2020, preme no botón de embaixo.

Saúde e clima!!!

Belmopán recibe á tropa de eltiempoentuojete para a celebración das semifinais da Ojete’s Cup 2020. De novo ameazas de chuvia que farán da xornada unha emocionante proba de valor na pluviosidade.

Compoñente Sur e Oscar buscan a gloria da final cuns marcadores moi parellos. As maiores discrepancias están na temperatura.

Breogan77 e Jose Lopez, moi igualados nas temperaturas pero con amplias diferenzas na auga e no refacho de vento.

Bar Pequeno e Michi, na mesma onda, teñen variantes significativas en auga e vento.

Beocha e Marius, con apostas semellantes, difiren levemente na auga e a temperatura máxima.

Botikas e Xowi comparten apostas en temperatura e discrepan pouco no resto dos parámetros.

Julio e Verducido, con parámetros semellantes, atopan as diferenzas na auga.

Alucarda e Víbora marcan diferenzas na temperatura máxima e na auga. Tamén dispar as apostas en vento.

Lukas e Iago basan as discrepancias na chuvia e na temperatura mínima.

Deste xeito gran penúltima xornada da tempada con moito que decidir e que podes seguir ao vivo dende este enlace.

Na OjeteQuake, coma sempre a maioría das apostas están confinadas na zona do sureste asiático, entre Filipinas, Malasia e Indonesia. Duas apostas no sur de Xapón e unha cara o norte. Tres apostas no sur de Alaska e unha á espera de confirmación. Podes seguir a xornada sísmica ao vivo dende eiquí.

As apostas:

Saúde e sorte!!!