Mentras agardas pola resolución da 4ª xornada da VII Liga de Primaveira, xa tes dispoñible a Crítica da etapa de Ballina, a terceira, derradeira das desputadas nesta edición. Podes acceder picando no botón de embaixo.
Recorda que podes seguir a xornada ao vivo dende ste enlace. Semella estar moi emocionante!!!
A xornada de Yamba semella non ter esperanzas de ver a chuvia. Pode ser outra desas etapas con posibilidade de ascenso directo o Olimpo meteorolóxico por medio dun Pleno. A posibilidade é real conforme ás prediccións de vento baixo, carencia de auga e temperaturas estables,
Polo tanto temos ante nós unha xornada moi competida onde as apostas son moi semellantes, con opcións reais de vitoria.
As apostas de temperatura máxima oscilan entre os 24 e os 29º C. As mínimas, dende 14 ata 20º C. A pluviosidade é unánime en 0 litros e os refachos de vento van dende 12 ata os 44 km/h. Moita semellanza en xeral que permitirá unha dura loita ata o derradeiro minuto (e máis alá, ata a confirmación).
Podes seguir a xornada ao vivo dende este enlace, a partires das 16:30 horas de hoxe.
Xa choveu dende aquel día de finais de outubro no que a perfección en predicción meteorolóxica amateur materializóuse en Ponte Caldelas da man de Lukas. Corría o outono de 2016… Este domingo a perfección voltou a eltiempoentuojete. E o primeiro pleno fora das nosas fronteiras, perpetrado por unha persoaxe con unha alta porcentaxe de tardanzas e desaparicións súbitas. Agora sabemos, a tenor da sua non comparecencia na derradeira xornada, que tamén é de aparicións súbitas e asombrosas. Mutombo é o meteoludópata número catro en acadar un Pleno despois de máis de 270 xornadas desputadas.
Foi unha vitoria acadada no desconto, na revisión que fai o BOM para engadir os datos ós rexistros históricos. O BOM arrebatóulle a vitoria a outra das rezagadas da Liga de Primaveira. Dende o meu humilde punto de vista non me gustaría ser o mellor dunha xornada antes da revisión final. Semella sinónimo de decepción.
Por tras unha gran cantidade de altas puntuacións, quizáis pola falta de auga. Despóis de tres xornadas os 4 primeiros postos están ocupados por xente pouco habitual nesta zona da távoa xeral, pero son estas as ligas que poden encumbrar a participantes menos mediátic@s.
Se queres acceder ós resultados da histórica xornada de Ballina, pica no enlace abaixo exposto.
Tamén temos en exclusiva a crónica da xornada anterior, Murrurundi. Desenrolada por Rasta76, podes atopala no botón de embaixo.
A xornada de Ballina ven marcada pola posibilidade de recoller a primeira auga da tempada de primaveira. Polo momento estamos a ter un comezo do outono austral en réxime de sequía, pero Ballina será a primeira proba da humidade da zona.
As máximas oscilan entre os 24 e os 28º C. As mínimas van dende os 13 ata os 18º C., polo que as temperaturas van estar moi desputadas. Na pluviosidade atopamos máximos de 2 litros, con maioría de apostas en 0 e 1 litro. Os refachos de vento están entre os 20 e os 41 kilómetros por hora, cun pico mínimo en 12.
Desta maneira temos ante nós unha xornada mpoi desputada, con apostas moi parellas e a oportunidade de recoller a primeira chuvia da VI Liga de Primaveira en New South Wales. Recorda que podes seguir ao vivo a xornada de Ballina, dende as 16:30 horas de hoxe, aproximadamente. Pica no enlace para acceder.
E atent@s tamén á publicación da Crítica de Murrurundi, durante o tempo da xornada ao vivo, cara esta tarde.
Aviso: no caso de chuvia poñemos o ollo no sistema da BOM, que recolle a chuvia en intervalos de 09:00 a 21:00 horas. Somentes teremos en conta a chuvia recollida dentro das 24 horas que nos pertencen.
