A 12ª etapa da OjeteQuake deixa unha morea de penalizaciones e unha xornada onde o terremoto máximo non tivo competencia dende ben cedo na madrugada.

Cara as 02:00 horas, no inicio da xornada, producíase o sismo que sería o escollido por magnitude no final do día. O tremor localizóuse a uns 100 kms. de Atico, na fronte da costa do estado de Arequipa, en Perú. A magnitude acadada foi de 5,7 Mg., moi por riba do resto de sismos do domingo, que non superaron os 5 Mg. Poucas apostas atopamos nesa zona do planeta.

Neste escenario xurde un gañador en soidade. Botikas situou a súa aposta sísmica ó sur da Illa de Pascua, con 5,7 de Magnitude e valéulle para levar a etapa con 440 puntos, acadando a súa 5ª vitoria histórica nesta competición e entrando no Top-5. Na clasificación actual colócase na 11ª posición, a tiro de pedra do Top-10.

Marius foi o outro participante que superou os 400 puntos cunha aposta nas Illas Sandwich, a certa distancia do epicentro, pero mallando a Magnitude do sismo peruano. Chega ata o posto 23 da xeral.

370 puntos achegou Kaltxon no seu marcador cunha predicción para sismos nas Illas Salomón e con 5,6 de magnitude augurada. Ainda tendo unha penalización, recupera o liderato da Clasificación xeral.

358 sumou Julio dende a mesma zona, nas Illas Salomón. Mallou a magnitude e sitúase na 6ª praza da xeral, tamén con penalización arrastrada.

Pero todo isto non valería se Aki non chegara tarde. Con predicción localizada entre a República Dominicana e Puerto Rico e magnitude de 5,6 Mg., sería o vencedor se non fora polo retraso. 356 puntos suma, penalización incluida, para completar o Top-5 da 12ª xornada. Na xeral podes atopalo no posto 22.

Para coñecer tódolos detalles da 12ª etapa da OjeteQuake 2022, preme no botón con enlace que atoparás baixo este texto.

Recorda que este fin de semana comeza a IX edición do Torneo de Vran en Brahmaputra. Os menús deberían conter todo o necesario para poder apostar na primeira xornada (alomenos), pero axudaríanos moito que nos reportedes os errores ou carencias que atopedes. Primeira etapa en Manipur, co monzón coma ameaza de fondo. Agardamos por tí…

Saúde e sorte!!!

Ante todo, ou antes que nada, pedir desculpas pola tardanza na publicación das apostas da 12ª etapa da OjeteQuake 2022. Problemas técnicos e persoais retrasaron este post, semellante o acontecido nas prediccións, con ata 9 penalizados e algúns non presentad@s.

A maioría das apostas seguen copando o este de asia, cun territorio que abrangue dende Xapón ata o este das Illas Salomón. Fora dese rango atopamos marcas na suroeste de Alaska, en Puerto Rico, Golfo de Bengala, Kazajistán, norte da India, no Golfo Pérsico, Irán, Chipre e no suroeste das Illas Sandwich e Georgis do Sur. A intensidade sísmica máxima acada os 6,8 Mg.

Se queres seguir paso a paso o que ocorre neste 12ª etapa da Liga dos Terremotos, pica neste enlace con destino á xornada ao vivo, a partires das 02:00 horas desta mesma madrugada.

As apostas:

• E recorda que esta semana que ven comeza o IX Torneo de Vran, edición Brahmaputra, na India. Xa tes toda a información precisa para o desenrolo da competición. Se ves que non atopas algo que debería estar, erros ou omisións, non deixes de facérnolo saber no noso enderezo electrónico: eltiempoentuojete@gmail.com

Saúde e sorte!!!

Dende eltiempoentuojete damos conta do novo desafío meteorolóxico para o mes de xullo de 2022. O IX Torneo de Vran, Brahmaputra lévanos nesta ocasión ó noreste da República de India. Unha das zonas do mundo con máis virulencia en pluviosidade. E seica imos chegar nun bo momento: en pleno auxe do monzón que chega dende o Golfo de Bengala remontando o Himalaya e deixando importantes chuvias en Bengala Occidental, Birmania, Bangladesh e o noreste da India, a zona escollida para a competición.

O menú principal xa contén a información necesaria para o desenrolo do certame de estío. O inicio da competición está programado en Chandel, Manipur, para o domingo 3 de xullo, con aposta antes das 24 horas do venres 1 de xullo. Ó longo de 5 xornadas, todas elas no mes de xullo, buscaremos un merecido gañador en terras asiáticas, que deberá contar cunhas grandes cualidades en predicción de chuvia, sen esquecer os outros parámetros.

Outro tema importante e que non debemos esquecer e que a clasificación xeral definirá quén acudirá a desputar o derradeiro torneo da 9ª tempada: A Ojete’s Cup 2022, ainda con paradeiro descoñecido. Somentes os 16 primeiros terán acceso á competición do K.O. Recordade que a Ojete’s Cup é un torneo por roldas con enfrentamentos un-contra-un e a tua clasificación determina a tua posición no cadro de torneo e, con elo, o teu primeiro rival. Podes pasar pola páxina de Regulamento onde podes atopar tódolos detalles destas dúas competicións vinculadas.

Podes comezar a fozar nos menús e preparante para a loita. Recorda que nos fas un gran favor reportando faios ou falta de información. E, ante calqueira dúbida, conecta con nós sen compromiso no noso enderezo electrónico: eltiempoentuojete@gmail.com

Non podes faltar á unhas das citas con maior posibilidade de chuvia da nosa traxectoria. A qué agardas para facer historia na meteoroloxía predictiva amateur??

Sorte e clima!!!